साडेतीन तास बायकोला उन्हात ताटकळत ठेवलं, नेमकं काय घडलं? प्रसाद-मंजिरीच्या पहिल्या भेटीचा किस्सा

प्रसाद ओक आणि मंजिरी ओक 7 जानेवारी 1998 मध्ये लग्नबंधनात अडकले. अनेक वर्षांच्या सुखी संसारानंतर मंजिरीने आता त्यांच्या पहिल्या भेटीचा किस्सा शेअर केला आहे.

राजश्रीला दिलेल्या मुलाखतीत मंजिरी ओक म्हणाली,"आमचं ज्यादिवशी जमलं त्याच्या दुसऱ्या दिवशी आम्ही एका ठिकाणी भेटायचं ठरवलं होतं. दुसऱ्या दिवशी आम्ही माझ्या क्लासच्या बाहेर सकाळी 9.30 वाजता भेटणार होतो. 1 वाजला तरी प्रसाद आला नाही. त्यावेळी मी 16 वर्षांची होते. त्यावेळी मोबाईल नव्हते. त्याच्या घरी फोन नव्हता. माझ्याही घरी फोन नव्हता. मी 1 वाजेपर्यंत प्रसादची वाट पाहत होते. शेवटी मी माझ्याघरी गेले.

मंजिरी म्हणाली,"मी उशीरा घरी आल्याने आई खूप चिडलेली होती. पण तेव्हा मी पाच मिनिटांत एक वही देऊन येते असं आईला सांगून मी थेट प्रसादच्या घरी गेले".

मला दरवाजात पाहून प्रसादची पहिली प्रतिक्रिया मला अपेक्षित होती,आईशप्पथ सॉरी-सॉरी. पण प्रसाद असं म्हणालेला,तू इथे काय करत आहेस". नात्याचा दुसरा दिवस असल्याने मला त्याच्यासोबत फार चिडताही आलं नाही, असं मंजिरी म्हणाली.

मंजिरी म्हणाली,"प्रसादने त्यावेळी दोन दिवसाने होणाऱ्या स्पर्धेचं म्युझिक मला ऐकवलं. पुढे 10-15 मिनिटं गेल्यावर त्याच्या लक्षात आलं की त्याला मला भेटायचं होतं. मी चिडलेले होते म्हणून त्याने 1942 मधील रूठ ना जाना हे गाणं लावलं".

प्रसादने या पहिल्याच भेटीत मंजिरीला सांगितलं होतं,"सगळ्यात पहिलं मला मस्का लावता येत नाही. बाबू-शोना मला जमणार नाही, माझं सगळ्यात पहिलं प्रेम माझं क्षेत्र आहे. हे कायम माझं पहिलं प्रेम राहणार आहे".

प्रसादच्या या स्पष्टवक्तेपणामुळे मंजिरी भक्कम राहिली. त्यानंतर पुढे यावरुन त्यांचे वाद झाले नाहीत.