परिणीती चोप्रानंतर प्रसिद्ध गायक दुसऱ्यांदा झाला बाबा, दिवाळीच्या मुहूर्तावर चिमुकल्याचं आगमन

गायक हार्डी संधू आणि त्यांची पत्नी जेनिथ सिद्धू यांनी आपल्या चाहत्यांसोबत एक आनंदाची बातमी शेअर केली आहे. हार्डी संधू आणि जेनिथ सिद्धू दुसऱ्यांदा आई-वडील झाले आहेत.

'बिजली बिजली' आणि 'सोच' यांसारख्या गाण्यांसाठी प्रसिद्ध असलेल्या हार्डी संधूच्या आयुष्यातील हा एक आनंदाचा क्षण आहे. आता ऐन दिवाळीत अभिनेत्याच्या घरी एका छोट्या पाहुण्याचं आगमन झालं आहे.

21 ऑक्टोबर 2025 रोजी हार्डी संधूने आपल्या सोशल मीडियावर एक फोटो शेअर करत चाहत्यांना आनंदाची बातमी दिली आहे. आपल्या नवजात बाळाच्या छोट्या हातांची झलकही या फोटोत पाहायला मिळत आहे.

हार्डी संधूने चाहत्यांसोबत फोटो शेअर करत लिहिलं आहे,"आमचा गोंडस आशीर्वाद आलाय. सर्वांना दिवाळीच्या हार्दिक शुभेच्छा". हार्डी संधूवर सध्या चाहत्यांकडून अभिनंदनाचा वर्षाव होत आहे.

हार्डी संधूला मुलगा की मुलगी झाली आहे हे अद्याप समोर आलेलं नाही. पण चाहत्यांकडून मुलगी झाली असल्याचं म्हटलं जात आहे.

हार्डी संधूच्या बाळाची झलक पाहण्याची चाहत्यांना आता उत्सुकता आहे.

हार्डी संधूने 'टेकीला शॉट'च्या माध्यमातून इंडस्ट्रीत पदार्णण केलं होतं. पुढे 'सोच','जोकर' या कलाकृतींच्या माध्यमातून त्याला चांगलीच लोकप्रियता मिळाली.