लग्न पुढे ढकलल्याच्या 48 तासांनी नवा ट्विस्ट, स्मृतीच्या जवळच्या मैत्रिणीने घेतला मोठा निर्णय

भारतीय क्रिकेटर स्मृती मानधना आणि म्युझिक कंम्पोजर पलाश मुच्छल यांचं लग्न करणार होते. पण लग्नाच्या काही तास आधी आधी स्मृतीच्या वडिलांची प्रकृती बिघडली आणि त्यानंतर क्रिकेटरच्या लग्नाची एक वेगळीच स्टोरी सुरू झाली.

वडिलांनंतर पलाशचीही तब्येत बिघडली. दोघांचं लग्न पोस्टपोन झाल्याचं सांगण्यात आलं. पुढच्या काही तासात स्मृतीने तिच्या सोशल मीडियावरून दोघांचे सगळे फोटो आणि व्हिडीओ डिलिट केले. लग्नाआधी झालेल्या सगळ्या कार्यक्रमांच्या पोस्ट तिने डिलिट केल्या.

दरम्यान स्मृतीने पलाश मुच्छलला इन्टाग्रामवरून अनफॉलो केल्याचं म्हटलं जात होतं. खरंच स्मृतीने पलाशला अनफॉलो केलंय का?

सोशल मीडियावर अनेक युझर्सनी स्मृतीने पलाशला अनफॉलो केलं असल्याचे स्क्रिनशॉट्स शेअर केले होते. या स्क्रिनशॉट्सनंतर दोघांमध्ये नक्की काय घडलं आहे याच्या चर्चा वाढल्या.

या सगळ्या चर्चांमध्ये स्मृतीने पलाशला अनफॉलो केलं नसल्याची माहिती समोर येत आहे. तिने केवळ दोघांच्या लग्नासंबंधी असलेल्या सगळ्या पोस्ट डिलिट केल्या आहेत. तिच्या इन्स्टाग्रामवर दोघांचे जुने फोटो पाहायला मिळत आहेत.

स्मृतीबरोबरच तिची मैत्रीण क्रिकेटर राधा यादव हिने देखील पलाशला अनफॉलो केल्याचं दिसलं. तसंच स्मृतीची अत्यंत जवळची मैत्रीण शिवाली शिंदे हिने देखील पलाशला अनफॉलो करण्याचा मोठा निर्णय घेतला.

रविवारी 23 नोव्हेंबर रोजी स्मृती मानधना आणि पलाश मुच्छल यांचं लग्न होणार आहे. लग्नाची मोठी धामधूम करण्यात आली होती. दोघांना हळदीही लागली होती. संध्याकाळच्या मुहूर्तावर दोघांचं लग्न लागणार होतं. पण लग्नाच्या काही तास आधीच स्मृतीच्या वडिलांची श्रीनिवास मानधना यांची तब्येत बिघडली आणि त्यांना रुग्णालयात दाखल करण्यात आलं.

पलाशने स्मृती मानधनाची फसवणूक केल्याच्या चर्चा सुरू आहेत. स्मृतीसोबत त्याने चीट केल्याचं बोललं जात आहे. स्मृतीने पलाशला एका कोरिओग्राफरसोबत रंगेहात पकडल्याचं बोललं जात आहे.

मेरी डि'कोस्टा नावाच्या एका महिलेने तिच्या इंस्टाग्राम स्टोरीवर पलाशसोबतच्या तिच्या चॅटचे स्क्रीनशॉट शेअर करण्यात आलेत. हे स्क्रिनशॉट्स सोशल मीडियावर प्रचंड व्हायरल झाले आहेत.

6 वर्षांचं प्रेम, फिल्मी स्टाइलने प्रपोज, ग्रँड लग्न, हळद लागली. लग्नाच्या दोन तास वडिलांची तब्येत बिघडली. लग्न पोस्टपोन झालं अन् सगळे फोटोही डिलिट झाले. त्यानंतर आता व्हायरल झालेल्या स्क्रिनशॉट्समुळे या प्रकरणाला एक वेगळाच अँगल मिळाला आहे. दरम्यान या सगळ्यावर स्मृती मानधना, पलाश मुच्छल किंवा दोघांच्या कुटुबीयांकडून कोणतंही भाष्य करण्यात आलं नाही.