Priya Marathe : 'मी तिच्या फोनची वाट पाहत होतो पण...' बहिण प्रिया मराठेच्या आठवणीत सुबोध भावे भावुक

अभिनेत्री प्रिया मराठेच्या निधनानंतर तिच्या कुटुंबीयांना मोठा धक्का बसला आहे. प्रिया मराठेचं कॅन्सरनं निधन झालं.

प्रियाच्या मृत्यूनंतर तिचा चुलत भाऊ सुबोध भावेनं तिच्या आठवणींना उजाळा दिला. तिच्याबद्दल बोलताना तो भावुक झाला.

लोकमत फिल्मीला दिलेल्या मुलाखतीत सुबोध म्हणाला, "माझ्या खऱ्या आयुष्यात मी 3 फायटर स्त्री पाहिल्या आहेत. एक म्हणजे स्मिता तळवळकर, रसिका जोशी आणि प्रिया मराठे. या तिधींनी तडफीने आणि उर्जेने पुनरागमन केलं."

"गेल्या वर्षी मालिकेच्या सेटवर गेल्यावर कळलं की प्रिया मालिका करत नाही. तेव्हा कळलं की तिचा कॅन्सर पुन्हा उफाळून आला."

सुबोध पुढे म्हणाला, "मी तिला फोन करत होतो पण तिने कोणालाच भेटू दिलं नाही. आजारपणाचं रडगाणंही ती कधी गायली नाही."

"मी तिच्या फोनची पाट बघत होतो. पण शेवटी कॅन्सरने तिचा घास घेतला."

सुबोध आणि प्रिया यांनी अनेक कलाकृतींमध्ये एकत्र काम केलं. भेटशी तू नव्याने ही प्रियाची शेवटची मालिका ठरली. यात तिने सुबोधसोबत काम केलं होतं.