Tejashri Pradhan : माय डार्लिंग...! तेजश्री प्रधान पुन्हा प्रेमात? आयुष्यातील त्या खास व्यक्तीसाठी लिहिली पोस्ट

अभिनेत्री तेजश्री प्रधान सोशल मीडियावर खूप सक्रीय असते. अनेक फोटो आणि व्हिडीओ तसंच मोटिवेशनल कोट्स ती शेअर करत असते. तेजश्री प्रधानने नुकतीच शेअर केलेली एक पोस्ट चर्चेत आली आहे.

तेजश्री सहसा तिचे फोटो शेअर करत असते. किंवा तिच्या मालिकेचे अपडेट्स शेअर करत असते. पण तिने आता लिहिलेली पोस्ट तिच्या आयुष्यातील एका खास व्यक्तीसाठी लिहिली आहे.

माय डार्लिंग म्हणून तेजश्रीनं तिच्या भावना व्यक्त केल्या आहेत. तेजश्री सहसा कोणासोबत फोटो शेअर करत नाही पण तिने शेअर केलेली ही पोस्ट सगळ्यांचं लक्ष वेधून घेत असते.

तेजश्रीनं तिच्या पोस्टमध्ये लिहिलंय, "यार… लवकर फोटो पोस्ट करू शकलो नाही कारण नेहमीप्रमाणे आयुष्यभर लक्षात राहतील अशा आठवणी तयार करण्यात बिझी होतो."

"थोडक्यात सांगायचं तर "तेरा यार हूँ मैं…" विषय संपला! बाकी वाढदिवस तर आनंदात गेला, आता येणारं नवं वर्षही तितकंच आनंदी जाऊ दे. माय डार्लिंग सपोर्ट सिस्टिम हॅप्पी बर्थडे."

आता तेजश्री प्रधानच्या आयुष्यातील डार्लिंग व्यक्ती कोण आहे असा प्रश्न तुम्हाला पडला असेल! तेजश्रीच्या आयुष्यातील तिची डार्लिंग तिची मैत्रिण आहे. ही मैत्रिण म्हणजेच अभिनेत्री शिवानी बावकर आहे.

तेजश्रीनं शिवानी बावकरबरोबरचा फोटो शेअर केला आहे. शिवानीच्या बर्थडे दिवशीचा हा फोटो आहे. दोघांनी मिळून शिवानीचा बर्थडे सेलिब्रेट केला होता.

तेजश्री आणि शिवानी या अभिनेत्री असल्या तरी एकमेकींच्या खूप चांगल्या मैत्रिणी आहेत. एकाच क्षेत्रात असूनही त्यांच्यात खूप चांगली मैत्री आहे. दोघींमध्ये कसं बॉन्डिंग आहे हे तेजश्रीच्या पोस्टवरूनच लक्षात येत आहे.

तेजश्री प्रधान आणि शिवानी बावकर यांना एकत्र पाहून चाहत्यांनी आनंद व्यक्त केला आहे. दोघी चांगल्या मैत्रिणी आहेत हे बऱ्याच जणांना यानिमित्तानं कळलं.

तेजश्री प्रधान सध्या झी मराठीवरील वीण दोघांतली ही तुटेना या मालिकेत काम करतेय. तर अभिनेत्री शिवानी बावकर ही स्टार प्रवाहवरील साधी माणसं या मालिकेत काम करतेय.