Dharmendra: मनाला भळभळती जखम पण तरीही जगाच्या नजरेत नवऱ्याला पडू दिलं नाही, धर्मेंद्रसाठी पहिल्या पत्नीने केलेली शॉकिंग गोष्ट

मुंबई: <!--StartFragment --><span class="cf0">बॉलिवूडचे</span><span class="cf0"> 'ही-</span><span class="cf0">मॅन</span><span class="cf0">' </span><span class="cf0">धर्मेंद्र</span><span class="cf0"> यांनी वयाच्या ८९ </span><span class="cf0">व्या</span><span class="cf0"> वर्षी जगाचा निरोप घेतला. त्यांच्या जाण्याने भारतीय चित्रपटसृष्टीमध्ये हळहळ व्यक्त केली जात आहे.</span><!--EndFragment -->

अशातच धर्मेंद्र यांच्या दोन लग्नाबाबतच चर्चा रंगली आहे. धर्मेंद्र आणि हेमा मालिनी यांची लव्हस्टोरी आजही चर्चेत असते. १९८० मध्ये धर्मेंद्र यांनी पहिली पत्नी प्रकाश कौर यांना घटस्फोट न देता हेमा मालिनी यांच्याशी दुसरे लग्न केले. यानंतर प्रकाश कौर यांची अवस्था बिकट झाली होती.

४४ वर्षांपूर्वी धर्मेंद्र यांच्या पहिल्या पत्नी प्रकाश कौर यांनी स्टारडस्ट मासिकाला दिलेल्या एका मुलाखतीमध्ये धर्मेंद्र आणि हेमा मालिनी यांच्याबाबत भरभरून बोलल्या होत्या. त्यांनी थेट पतीची बाजू घेतली, पण हेमा मालिनींवर संताप व्यक्त केला होता.

१९७० मध्ये 'तुम हसीं मैं जवान' या चित्रपटापासून धर्मेंद्र आणि हेमा मालिनी यांच्या प्रेमकथेला सुरुवात झाली होती आणि १९८० मध्ये दोघांनी लग्न केले. धर्मेंद्र यांनी धर्म बदलून हे दुसरे लग्न केले होते, कारण ते पहिल्या पत्नीला घटस्फोट देऊ इच्छित नव्हते. यामुळे धर्मेंद्र यांच्यावर वुमनायझरचा शिक्का बसला.

आपल्या पतीवर होणारी चिखलफेक पाहून प्रकाश कौर संतापल्या होत्या. त्यांनी १९८१ मध्ये दिलेले विधान आजही चर्चेत आहे. प्रकाश कौर म्हणाल्या, "एका महिला म्हणून हेमा मालिनी कोणत्या परिस्थितीतून जात असेल, ते मी समजू शकते. तिला तिच्या कुटुंबियांना आणि मित्रांना तोंड द्यावे लागत असेल. पण मी जर हेमाच्या जागी असते, तर मी कधीच असे केले नसते!"

त्या पुढे म्हणाल्या, "एक महिला म्हणून मी त्यांच्या भावना समजून घेऊ शकते, पण एक पत्नी आणि आई म्हणून मी त्यांच्या धर्मेंद्र आणि हेमा नात्याला कधीही मान्यता देणार नाही."

जेव्हा धर्मेंद्र यांना इंडस्ट्रीत 'वुमनायझर' म्हटले गेले, तेव्हा प्रकाश कौर यांचा संताप अनावर झाला. त्यांनी थेट इंडस्ट्रीतील दुटप्पीपणावर बोट ठेवले. प्रकाश कौर यांनी सवाल केला, "माझ्या नवऱ्याला वुमनायझर म्हणायची मीडियाची हिंमत कशी झाली? आज अर्धी इंडस्ट्री हेच करत आहे. फक्त माझ्या पतीवरच प्रश्न का?"

त्यांनी पुढे हे देखील स्वीकारले की, "कोणताही माणूस माझ्या जागी हेमा मालिनीलाच निवडेल." पण त्याच वेळी त्यांनी धर्मेंद्र हे एक उत्तम वडील असल्याचे ठामपणे सांगितले. "तो कदाचित चांगला पती नसेल, पण एक उत्कृष्ट पिता नक्कीच आहे," असे त्यांचे म्हणणे होते.

धर्मेंद्र आणि प्रकाश कौर यांना सनी देओल, बॉबी देओल, विजेता आणि अजेता ही चार मुले आहेत. हेमा मालिनी यांच्या मुली ईशा देओल आणि आहना देओल यांचे सुरुवातीला सनी-बॉबीसोबत चांगले संबंध नव्हते, पण आता या कुटुंबतील नाते सुधारायला लागले आहे.