Onkar Bhojane : 'हा इथे काय करतोय?' जिवलग मित्राचं हास्यजत्रेत कमबॅक! भोजने परत येताच वनिता खरातची पोस्ट

अभिनेता ओंकार भोजनेचं महाराष्ट्राची हास्यजत्रामध्ये कमबॅक झालं आहे.

ओंकारने काही महिन्यांआधीच अचानक हास्यजत्रेला रामराम केला होता. प्रेक्षकांनीही ओंकारच्या निर्णयावर नाराजी व्यक्त केली होती.

भोजनेला हास्यजत्रेत परत आणा अशी मागणी देखील प्रेक्षकांकडून करण्यात आली होती. अखेर अनेक महिन्यांच्या प्रतिक्षेनंतर ओंकार भोजने पुन्हा एकदा हास्यजत्रेत आला आहे.

त्याचा पहिला प्रोमो देखील रिलीज करण्यात आली आहे. ओंकारला पुन्हा हास्यजत्रेच्या प्रहसनात पाहण्यासाठी प्रेक्षक उत्सुक आहेत.

ओंकार हास्यजत्रेत येताच त्याची जीवलग मैत्रीण वनिता खरातनं एक खास पोस्ट लिहिली आहे. वनिताने सेटवरचे फोटो शेअर केलेत.

तिने पोस्टमध्ये लिहिलंय, "मामा मामी is back. हा इथं काय करतोयssss" वनिताने हास्यजत्रा पाहण्याचं आवाहन करत लिहिलंय, "बघायला विसरू नका. तुमच्या टेंशन वरची मात्रा महाराष्ट्राची हास्यजत्रा"

हास्यजत्रेत वनिता आणि ओंकार यांची जोडी खूप लोकप्रिय झाली. दोघांचं मामा आणि मामीच्या स्किटनं प्रेक्षकांना खळखळून हसवलं.