Health Tips : वजन कमी करायचंय? हृदयरोग टाळायचाय? तर 'हे' फूल आहे रामबाण उपाय! डाॅक्टर सांगतात...

अपराजिता फुलं (गोकर्णी) आरोग्यासाठीही खूप फायदेशीर आहेत. हे फूल अँटीऑक्सिडंट्सने भरलेलं आहे. रीवा आयुर्वेद रुग्णालयाचे डीन डॉ. दीपक कुलश्रेष्ठ सांगतात की, लोकांना निळ्या रंगाची सुंदर अपराजिता फुलं पूजेसाठी आवडतात. ही फुलं त्यांच्या सौंदर्यासोबतच आरोग्यासाठीही खूप फायदेशीर आहेत.

हे फूल अँटीऑक्सिडंट्सने परिपूर्ण आहे. P-कौमेरिक ऍसिड, डेल्फिनिडिन-3, केम्पफेरॉल आणि 5-ग्लुकोसाइड यांसारख्या अँटीऑक्सिडंट्समुळे ही फुलं अनेक रोगांपासून आराम देतात.

रोगप्रतिकारशक्ती वाढवते : अपराजिता फूल त्याच्या जिवाणूविरोधी गुणधर्मांमुळे रोगप्रतिकारशक्ती वाढवण्यासाठी फायदेशीर आहे. हे सूज आणि संसर्ग टाळण्यास मदत करते.

वजन कमी करण्यात प्रभावी : अपराजिता फूल वजन कमी करण्यातही उपयुक्त ठरतं. या फुलापासून बनवलेला चहा शरीरातील चयापचय क्रिया (metabolism) वेगवान करतो. ज्यामुळे शरीरात चरबी (फॅट) तयार होत नाही.

हृदयाच्या आरोग्यासाठी : अपराजिता फुलामध्ये असे घटक असतात जे रक्तदाब आणि कोलेस्ट्रॉल नियंत्रित करण्यास मदत करतात. यामुळे हृदयरोगाचा धोका कमी होतो.

कॅन्सरचा धोका कमी होतो : अपराजिता फुलांच्या सेवनाने कॅन्सरचा धोका कमी होऊ शकतो. या फुलामध्ये असलेले अँटीऑक्सिडंट्स कॅन्सरच्या पेशी वाढण्यापासून रोखण्यास मदत करतात.

मधुमेहात अपराजिता फुलाचा चहा फायदेशीर आहे : यात मधुमेहविरोधी (Anti-Diabetic) गुणधर्म भरपूर प्रमाणात असतात. हे शरीरातील इन्सुलिन संतुलित करण्यास मदत करते, ज्यामुळे रक्तातील साखरेची समस्या उद्भवत नाही.

त्वचा आणि केसांसाठी फायदेशीर : अपराजिताच्या पानांमध्ये आढळणारे खास प्रकारचे फ्लेव्होनॉइड्स केस मजबूत करण्यास आणि केसांच्या वाढीस गती देण्यास मदत करतात. त्यात असलेले अँटीऑक्सिडंट्स त्वचेला फ्री रॅडिकल्समुळे होणाऱ्या नुकसानीपासून वाचवतात.