Suhani Bhatnagar Death : 'दंगल गर्ल' सुहानीच्या मृत्यूचे कारण आहे हा घातक त्वचा रोग, पाहा याची लक्षणं आणि कारणं

दंगल चित्रपटात काम केलेल्या सुहानी भटनागरचे अवघ्या 19 व्या वर्षी निधन झाले. अखेर सुहानी भटनागरचा इतक्या लहान वयात या त्वचारोगाने मृत्यू कसा झाला? मीडिया रिपोर्ट्सनुसार, सुहानी डर्माटोमायोसायटिसने त्रस्त होती. या आजाराची लक्षणं खूप सामान्य दिसतात. त्यामुळे हा आजार कधी धोकादायक बनतो, हे कळत नाही. सुहानीला 11 दिवसांपूर्वी एम्समध्ये दाखल केले गेले होते. टेस्टमधून तिला डर्मेटोमायोसिसचा त्रास असल्याचे दिसले.

डर्माटोमायोसिटिस म्हणजे काय? : मेयो क्लिनिकच्या मते, डर्माटोमायोसिटिस हा एक दुर्मिळ असामान्य आजार आहे, जो सामान्यतः पुरुषांपेक्षा स्त्रियांमध्ये जास्त आढळतो. यामध्ये व्यक्तीची रोगप्रतिकारशक्ती कमकुवत होते. स्टिरॉइड्स हाच त्याचा उपचार आहे पण रोगप्रतिकारशक्तीवर आणखी परिणाम होण्याचा धोका असतो. या आजारात पेशींमध्ये जळजळ होते, ज्यामुळे स्नायू झपाट्याने कमकुवत होऊ लागतात आणि त्वचेवर पुरळ उठू लागते.

डर्माटोमायोसिटिसची लक्षणे : डर्माटोमायोसिटिसची लक्षणे एकतर खूप उशीरा दिसतात किंवा अचानक दिसू शकतात. सहसा त्याचे पहिले लक्षण त्वचेतील बदलांपासून सुरू होते. त्वचा प्रथम व्हायलेट किंवा डस्की रंगात बदलू लागते. त्यामुळे त्वचेवर रॅशेस दिसू लागतात. हे पुरळ सहसा चेहऱ्यावर आणि डोळ्याभोवती दिसतात. रॅशेसमुळे खाज आणि वेदना होतात.

डर्माटोमायोसिटिसमध्ये कमकुवत रोगप्रतिकारक शक्तीमुळे स्नायू खूप कमकुवत होतात. नितंब, मांड्या, खांदे, हाताचा वरचा भाग आणि मानेचे स्नायू झपाट्याने कमकुवत होऊ लागतात. ही कमजोरी डाव्या आणि उजव्या दोन्ही बाजूंना येऊ शकते, ज्यामुळे हळूहळू खूप वाईट स्थिती निर्माण होते.

डर्माटोमायोसिटिसची कारणे : मेयो क्लिनिकच्या मते, डर्माटोमायोसिटिसची कारणे अद्याप माहिती नाहीत. पण हे ऑटोइम्यून डिसऑर्डरसारखेच आहे. यामध्ये रोगप्रतिकारक शक्ती चुकून त्याच्या निरोगी ऊतींवर हल्ला करू लागते. अनुवांशिक आणि पर्यावरणीय घटक देखील याचे कारण असू शकतात. पर्यावरणीय कारणांमध्ये विषाणूचा संसर्ग, तीव्र सूर्यप्रकाश, काही औषधे आणि धूम्रपान हे देखील याचे कारण असू शकते.

डर्माटोमायोसिटिसमधील कॉम्प्लिकेशन्स : जेवताना घास गिळण्यात अडचण निर्माण होऊ शकते, यामुळे न्यूमोनियाचा धोका असतो, श्वास घेण्यास त्रास होऊ शकतो. या स्थितीत हृदय व रक्तवाहिन्यासंबंधी रोग, फुफ्फुसाचे आजार आणि अगदी कर्करोगाचा धोका असू शकतो.

डॉक्टरकडे केव्हा जावे? : जर तुमच्या त्वचेवर पुरळ उठले असेल आणि तुम्हाला स्नायूंमध्ये खूप अशक्तपणा जाणवत असेल तर ताबडतोब डॉक्टरांकडे जावे.