एका नजरेत ओळखा आंबे केमिकलचे की नैसर्गिक! फरक कळायलाच हवा, नाहीतर पडाल आजारी

आपण वर्षभर आंब्यांची आतुरतेने वाट पाहतो. कच्ची कैरी नुसती खाल्ली किंवा मीठ-मसाला लावून खाल्ली किंवा कालवणात घालून खाल्ली तरी भारीच लागते. परंतु पिकलेल्या आंब्यांना काही तोडच नसते. म्हणूनच तर आंब्याला फळांचा राजा म्हणतात. परंतु आजकाल बाजारात असे केमिकलयुक्त आंबे मिळतात की त्यांच्यात आणि नैसर्गिक आंब्यांमध्ये काही फरकच वाटत नाही.

आयुर्वेदिक डॉक्टर वीके मिश्रा सांगतात की, केमिकलने पिकवलेले आंबे आरोग्यासाठी प्रचंड धोकादायक असतात. आपण ते नैसर्गिक आंबे समजून आवडीने खाऊ परंतु नंतर त्यामुळेच तब्येत बिघडू शकते.

डॉक्टरांनी सांगितलं की, कृषी शास्त्रज्ज्ञ डॉ. आरके सिंह यांनी दिलेल्या माहितीनुसार, सगळे आंबे कितीही सारखे आणि स्वादिष्ट दिसत असले तरी नैसर्गिक आंबे ओळखणं तेवढं अवघड नाहीये, अनेक पद्धतींनी तुम्ही हे सहज ओळखू शकतं. त्यामुळे आज आपण अशाच काही भन्नाट पद्धती पाहणार आहोत.

नैसर्गिक आंब्यांना एक वेगळाच सुगंध असतो. या आंब्यांचा नुसता घमघमाट सुटतो. केमिकलयुक्त आंब्यांना तेवढा सुगंध नसतो. त्यामुळे आंबे खरेदी करताना त्यांचा सुगंध नक्की घ्या. तसंच जर आंबे पाण्यात ठेवले, तर नैसर्गिकरित्या पिकवलेले आंबे तळाशी जातात आणि केमिकलयुक्त आंबे वर तरंगतात.

आंब्यांच्या रंगावरूनही त्यांची ओळख होऊ शकते. नैसर्गिकरित्या पिकलेल्या आंब्यांचा रंग पिवळसर हिरवा असतो आणि हे आंबे दिसायला खूपच सुंदर दिसतात, तर केमिकलयुक्त पिकवलेल्या आंब्यांचा रंग फक्त पिवळा किंवा फक्त हिरवा असतो. जर आंब्यावर काळ डाग असेल तर तो आंबा केमिकलयुक्त आहे यात काहीच शंका नसते.

आंबा कापल्यावर जर आतून सर्व बाजूंनी समान पिकलेला असेल, तर तो <a href="https://news18marathi.com/photogallery/lifestyle/food/famous-red-ant-chutney-recipe-l18w-mhij-1187776.html">नैसर्गिक</a> <a href="https://news18marathi.com/photogallery/lifestyle/food/eat-these-four-foods-with-milk-your-bones-will-become-strong-and-you-will-sleep-peacefully-l18w-mhij-1187352.html">आंबा</a> असतो. जर आतला गर एकीकडे कमी पिवळा आणि दुसरीकडे जास्त <a href="https://news18marathi.com/lifestyle/health-tips-turmeric-milk-or-turmeric-water-which-is-more-beneficial-for-health-mhpj-1187547.html">पिवळा</a> दिसला, तर समजून जायचं हा आंबा केमिकलने पिकवलेला आहे.