Recipe : फ्रिजमध्ये काय ठेवलं आहे, त्यावरून ChatGPT सांगणार कोणती रेसिपी बनवायची

बऱ्याचदा आपलं फ्रिज वस्तूंनी भरलेलं असतं. तर काही वेळा काही मोजक्याच वस्तू असतात. भरपूर वस्तू असतो वा कमी असोत. एक प्रश्न कायम पडतो की काय बनवायचं? कोणती रेसिपी बनवू. पण आता तुमच्या या समस्येचं निराकारण AI करू शकतो. फ्रिजमध्ये काय ठेवलं आहे, त्यावरून चॅटजीपीटी कोणती रेसिपी बनवायची ते सांगणार. आता हे कसं शक्य आहे? असा प्रश्न तुम्हाला पडला असेल. तर त्याबाबत सविस्तर माहिती घेऊयात.

चॅटजीपीटी स्वत:हून तुमचा फ्रिज पाहू शकत नाही. पण तुम्ही फ्रिजचा फोटो टाकला किंवा फ्रिजमध्ये काय आहे ते सांगितलं तर त्यावरून तो रेसिपी सुचवतो.

उदा. तुम्ही चॅटजीपीटीला फ्रिजमध्ये टोमॅटो, कांदा, अंडी, चीज आहेत अशी माहिती दिली तर त्यावरून तो तुम्हाला माहिती देऊ शकतो. कोणते पदार्थ एकत्र वापरले जातात, कशापासून काय बनू शकता हे तो सांगेल. झटपट आणि सोपी रेसिपीही तो सांगू शकतो.

त्याच्याकडे आधीपासून सेव्ह असलेल्या डेटावरून तो  अंडी + कांदा + टोमॅटो → ऑमलेट, पोळी + चीज → चीज रोल, टोमॅटो + कांदा → भाजी किंवा चटणी असं लॉजिक लावतो. अंडा भुर्जी, चीज पोळी रोल, टोमॅटो कांदा कोशिंबीर अशा रेसिपी सुचवतो.

चॅटजीपीटी तुमचा फ्रिज उघडत नाही, तुमचा डेटा बघत नाही, फक्त तुम्ही सांगितलेल्या माहितीवर विचार करतो. म्हणजे तुम्हाला प्रश्न विचाराचा आहे की, माझ्या फ्रिजमध्ये फक्त बटाटा, कांदा आणि दही आहे. 10 मिनिटात काय बनवू? किंवा अंडी नाहीत, गॅस कमी आहे, झटपट नाश्ता सुचवा.  जर तुम्ही फ्रिज किंवा भाजीचा फोटो दिलात तर AI फोटो ओळखूनही रेसिपी सुचवू शकतो जसं हे बटाटे आहेत, यापासून काय होईल? यावर तुम्हाला चॅटजीपीटी मदत करेल.