मुलांच्या पोटात जंत झालेत हे कसं ओळखावं? स्पष्ट जाणवतात लक्षणं

डॉक्टर मकरंद कुमार सांगतात की, लहान मुलांच्या पोटात जंत होण्यामागे विविध कारणं असू शकतात. जसं की, मातीतले जंतू पोटात जाणं, शेणाला हात लावून तोच हात तोंडात घालणं किंवा अस्वच्छ ठिकाणी राहणं, इत्यादी.

मुलांच्या पोटात प्रामुख्यानं टेपवार्म्स, राउंड वार्म्स, पिन वार्म्स, थ्रेडवार्म्स पाहायला मिळतात. खरंतर पोटात जंत झाले आहेत, याची मुलांमध्ये काही लक्षणंही जाणवतात, जसं की, त्यांना सतत थुंकी येणं, त्यांच्या शीच्या जागी खाज येणं, पोटात दुखणं, मुलं अचानक बारीक किंवा जाड होणं, त्यांना अशक्तपणा येणं, त्यांची चिडचिड होणं, इत्यादी.

डॉ. मकरंद यांनी सांगितलं की, मुलांमध्ये अशी कोणतीही लक्षणं दिसल्यास त्यांना ताबडतोब चाइल्ड स्पेशलिस्ट डॉक्टरांकडे घेऊन जावं. त्यांची तपासणी करावी.

जर मुलांचं वय 7-8 वर्षांपेक्षा जास्त असेल तर तुम्ही घरच्या घरी त्यांना ओव्याचं पाणी देणं किंवा कारलं खाऊ घालणं, हळद देणं, इत्यादी उपाय करू शकता. परंतु जर यामुळे त्यांचं <a href="https://news18marathi.com/photogallery/lifestyle/benefits-and-side-effects-of-fennel-seeds-in-marathi-gh-mhpp-1202332.html">पोट साफ</a> झालं नाही, तर मात्र त्यांना <a href="https://news18marathi.com/lifestyle/health/earphones-are-dangerous-leave-this-habit-otherwise-you-will-get-hearing-damage-mhij-1203325.html">डॉक्टरांकडे</a> घेऊन जावं.

सूचना : इथं दिलेली माहिती तज्ज्ञांशी केलेल्या चर्चेवर आधारित आहे. तरी आपण आपल्या <a href="https://news18marathi.com/photogallery/lifestyle/health/health-benefits-of-guava-fruit-and-leaves-l18w-mhij-1203372.html">आरोग्यासंबंधित</a> कोणताही निर्णय घेण्यापूर्वी स्वतः डॉक्टरांचा सल्ला घ्यावा. कोणत्याही नुकसानासाठी न्यूज18 मराठी जबाबदार नसेल.