Crab : खेकडा भरलेला आहे की पोकळ कसा ओळखायचा, कोणता खेकडा चांगला?

बाजारात आता तुम्हाला वेगवेगळ्या प्रकारचे खेकडे पाहायला मिळतील. आपण ते खेकडे घरी आणतो, शिजवतो आणि खातो तेव्हा समजतं की अरे या खेकड्यात काहीच नव्हतं, पोकळ होता. पण खाण्याआधी खेकडा भरलेला की पोकळ कसा ओळखायचा माहिती आहे का?

सोशल मीडियावर व्हायरल व्हिडीओत दिलेल्या एका माहितीनुसार बाजारात विशेषत: मुंबईतील मार्केटमध्ये 2 महत्त्वाच्या प्रकारचे खेकडे मिळतात. मड क्रॅब्स म्हणजे मातीतले खेकडे आणि सी क्रॅब्स म्हणजे समुद्रातले खेकडे.

रेस्टॉरंटमध्ये जे काही खेकड्यांचे पदार्थ मिळतात, त्यासाठी मड क्रॅब्स वापरले जातात. मातीतले खेकडे इतर खेकड्यांपेक्षा जास्त भरलेले असतात.

खेकड्यांना मागून दाबा. जर ते दाबले जात असतील तर तो खेकडा पोकळ आणि जर तो भाग दाबून आत जात नसेल तर तो खेकडा भरलेला.

याशिवाय खेकडे ओळखण्याची आणखी कोणती पद्धत तुम्हाला माहिती असेल तर आम्हाला आमच्या सोशल मीडियाच्या कमेंट बॉक्समध्ये नक्की सांगा.