सापांना येण्यापासून थांबवायचंय? लगेच लावा 'ही' 5 झाडं, घराच्या आसपासही फिरकणार नाहीत साप

अचानक समोर साप दिसला तर सर्वांनाच धडकी भरते. आपल्याला कधी सापाचा सामना होऊ नये आणि तो आपल्या घरात येऊ नये अशी प्रत्येकजण प्रार्थना करतो. पण पावसाळ्यात साप जास्त प्रमाणात दिसतात. अशा परिस्थितीत तुम्ही एक खास उपाय करू शकता. ही उपाय करण्याची योग्य वेळ आहे. यानंतर साप घरात येणार नाही.

मान्सून दाखल झाला आहे. काही ठिकाणी पाऊस सुरूही झाला आहे. अशा परिस्थितीत तुम्ही घरात किंवा कुंड्यांमध्ये काही खास झाडं लावू शकता, ज्यांच्या वासाने साप तुमच्या घराच्या आसपास फिरकणार नाही. तो आला तरी पुढे निघून जाईल.

सर्पगंधा (Sarpagandha) वनस्पती : सर्पगंधा वनस्पतीबद्दल दावा केला जातो की, तिचा वास इतका विचित्र असतो की, सापाला त्याचा वास येताच ते पळून जातात. नैसर्गिक गुणधर्मांनी भरलेल्या या झाडाची मूळं पिवळ्या आणि तपकिरी रंगाची असतात. पानं चमकदार हिरव्या रंगाची असतात. अशा परिस्थितीत ती लावून तुम्ही सापांना दूर ठेवू शकता.

नागदौन (Wormwood) वनस्पती : तज्ज्ञांचं मत आहे की, सापांना नागदौन वनस्पतीचा वास सहन होत नाही. अशा परिस्थितीत सापाला त्याचा वास येताच ते आपला मार्ग बदलतात. हे झाड अंगणात, बाल्कनीमध्ये किंवा मुख्य दरवाजाजवळही लावता येतं.

झेंडूचे (Marigold) फूल : लोक आपल्या घरांमध्ये सुगंध आणि सौंदर्यासाठी झेंडूची फुलं लावतात. याशिवाय, त्याचा सुगंध सापांना अजिबात आवडत नाही. अशा परिस्थितीत साप त्याच्या वासाने पळून जातो.

कॅक्टस (Cactus) वनस्पती : काटेरी कॅक्टस वनस्पती वाळवंटात आढळते. पण गेल्या काही वर्षांपासून याचा सजावटीच्या वनस्पती म्हणूनही वापर केला जात आहे. पण याला कोणताही सुगंध नसतो आणि त्याच्या काटेरी स्वरूपामुळे सापांना त्याच्या आसपास फिरायला आवडत नाही.

नागफणी वनस्पती : सापांना या वनस्पतीचं दिसणं आवडत नाही, त्यामुळे ते अशा वनस्पतींपासून नेहमी दूर पळतात. अशा परिस्थितीत तुम्ही घर सजावटीसाठी तसेच सापांना पळवून लावण्यासाठी याचा वापर करू शकता.