मोबाईलमुळे जगावर मोठं संकट! जगातील निम्म्या लोकसंख्येला मोठा धोका

मोबाईल म्हणजे कित्येकांसाठी आयुष्यच म्हणावं लागेल. दिवसाची सुरुवात मोबाईलने आणि दिवसाचा शेवटही मोबाईलनेच. पण याच मोबाईलमुळे जगावर मोठं संकट आलं आहे.

जगातील निम्म्या लोकसंख्येला मोबाईलमुळे मोठा धोका आहे. एका संस्थेने हा इशारा दिला आहे आणि संपूर्ण जगाला सावध केलं आहे.

मोबाइल, टॅबलेट, संगणकाच्या पडद्यामागे जग धावत असताना डोळ्यांवर त्याचे गंभीर परिणाम होत आहेत. स्क्रीनच्या अतिवापरामुळे मायोपियासारखे आजार उद्भवत आहेत. जगातील 30% लोक सध्या या दृष्टीदोषाने ग्रस्त आहेत.

2050 पर्यंत जगातील सुमारे 50% लोकांना हा त्रास सहन करावा लागू शकतो, असा इशारा इंटरनॅशनल मायोपिया इन्स्टिट्यूटने दिला आहे. इन्स्टिट्यूटने 2000 ते 2050 पर्यंतच्या मायोपियाच्या रुग्णांची आकडेवारी दिली आहे.

31% मुलांना मायोपिया आहे. जे किशोरवयीन गटात आहेत. पाच वर्षांपेक्षा लहान मुलांकडून होणाऱ्या मोबाइलच्या अतिरेकी वापराबाबत नेत्ररोग तज्ज्ञांनी चिंता व्यक्त केली आहे.

2000, 2010, 2020 साली अनुक्रमे 1.4, 2, 2.6 अब्ज लोकसंख्येला मायोपिया होता, टक्केवारीत हे प्रमाण 22.9, 28.3, 33.9 आहे.

या आकडेवारीचा विचार करता 2030, 2040, 2050 मध्ये अनुक्रमे 3.4, 4.1, 4.8 अब्ज लोकसंख्येला मायोपिया होण्याचा धोका आहे. टक्केवारीत हे प्रमाण 39.9, 45.2, 49.8 आहे.