Natural Hair Dye :केमिकल प्रॉडक्ट्सशिवाय, घरीच काळे करा केस! मेहंदी नाही, फळाची साल करेल हेल्प

केस पांढरे होणे ही आजकाल एक सामान्य समस्या झाली आहे, पण बाजारात उपलब्ध असलेले रासायनिक हेअर कलर वापरल्याने केसांचे मोठे नुकसान होते. जर तुम्हाला रसायनांपासून दूर राहून नैसर्गिकरित्या केस काळे करायचे असतील, तर डाळिंबाची साले तुमच्यासाठी एक उत्तम उपाय ठरू शकतात. डाळिंबाच्या सालींमध्ये असलेले टॅनिन आणि अँटीऑक्सिडंट्स केसांच्या नैसर्गिक रंगाला चालना देतात आणि केसांना पोषणही देतात.

रसायनांशिवाय सुरक्षित उपाय: डाळिंबाच्या सालींमध्ये कोणतेही हानिकारक रसायन नसते. हा उपाय केसांना सुरक्षितपणे रंग देतो, तसेच केसांचे आरोग्य सुधारण्यासही मदत करतो.

साल वाळवणे आणि पावडर बनवणे: सगळ्यात आधी डाळिंबाची साले व्यवस्थित स्वच्छ धुऊन घ्यावीत. त्यानंतर ती साले सूर्यप्रकाशात पूर्णपणे वाळवावीत. वाळल्यानंतर ही साले मिक्सरमधून बारीक करून त्याची पावडर तयार करावी.

तेलासोबत मिश्रण तयार करा: एक चमचा डाळिंबाच्या सालीची पावडर घ्या. ही पावडर खोबरेल तेल किंवा तिळाच्या तेलात मिसळा. मिश्रण चांगले एकत्र करून घ्या.

मंद आचेवर उकळणे: पावडर आणि तेलाचे मिश्रण एका भांड्यात घेऊन मंद आचेवर गरम करा. मिश्रण गडद होईपर्यंत किंवा पावडरचा रंग पूर्णपणे तेलात उतरेपर्यंत उकळा.

केसांना लावण्यची योग्य पद्धत: हे मिश्रण पूर्णपणे थंड झाल्यावर पांढऱ्या केसांवर आणि केसांच्या मुळांवर मेहेंदीप्रमाणे लावा. चांगल्या परिणामासाठी हा लेप किमान एक ते दोन तास केसांना ठेवावा.

नैसर्गिक परिणाम आणि सातत्य: पहिल्याच वापरात तुम्हाला नैसर्गिकरित्या गडद तपकिरी किंवा काळसर रंग दिसू लागेल. हा रंग अधिक टिकाऊ आणि गडद करण्यासाठी तुम्हाला हा लेप आठवड्यातून दोनदा लावावा लागेल. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)