TRENDING:Saree Tips : नियमित साड्यांच्या घड्या बदलणं का गरजेचं आहे? जाणून घ्या, नाहीतर होईल मोठे नुकसान..
- Published by:Pooja Jagtap
Last Updated:
Saree Folding Important Tips : साडी हा केवळ कपड्याचा प्रकार नसून अनेक महिलांसाठी भावना आणि आठवणींशी जोडलेला एक वारसा असतो. अशा साड्या दीर्घकाळ टिकवण्यासाठी त्यांची योग्य काळजी घेणं अत्यंत महत्त्वाचं असतं. साड्या एकाच पद्धतीने दीर्घकाळ घड्या घालून ठेवल्यास साड्यांचे नुकसान होऊ शकते. म्हणूनच नियमितपणे साड्यांच्या घड्या बदलणं गरजेचं असतं. चला पाहूया साड्यांच्या घड्या नियमित बदलल्या नाही तर काय होऊ शकते.
advertisement
1/7
कापड फाटण्याचा धोका : रेशीम, पातळ कॉटन किंवा बनारसी साड्यांमध्ये एकाच ठिकाणी सतत घडी पडल्यास त्या भागावर ताण येतो. कालांतराने त्या ठिकाणी कापड झिजायला लागतं किंवा फाटण्याची शक्यता वाढते. घड्या बदलल्याने ताण सगळ्या साडीवर समान पसरतो आणि साडी दीर्घकाळ टिकते.
advertisement
2/7
रंग टिकून राहण्यास मदत : साड्या एकाच घडीमध्ये ठेवल्यास त्या भागावर हवा, ओलावा किंवा प्रकाशाचा अधिक परिणाम होतो. परिणामी रंग फिकट होण्याचा धोका वाढतो. घड्या वेळोवेळी बदलल्यास साडीवर हवा समानपणे लागते आणि रंग दीर्घकाळ फ्रेश राहतात.
advertisement
3/7
बुरशी आणि दुर्गंधीपासून संरक्षण : कपाटात ठेवलेल्या साड्यांना ओलावा लागल्यास बुरशी निर्माण होऊ शकते. विशेषतः एकाच ठिकाणी सतत घड्या असल्यास त्या जागी हवा खेळती राहत नाही. नियमित घड्या बदलल्याने साड्या हवेशीर राहतात आणि दुर्गंधी किंवा बुरशीचा धोका कमी होतो.
advertisement
4/7
साडीचा नैसर्गिक पोत टिकतो : एकाच पद्धतीने घड्या घालून ठेवलेल्या साड्यांचा पोत कठीण होऊ शकतो. विशेषतः रेशीम साड्यांमध्ये हे अधिक जाणवतं. घड्या बदलल्यामुळे कापड मोकळं राहतं आणि साडी नेसताना तिचा नैसर्गिक पोत म्हणजेच टेक्शचर आणि सौंदर्य टिकून राहतं.
advertisement
5/7
साडी वापरण्यास सोपी राहाते : दीर्घकाळ एकाच घडीत ठेवलेल्या साड्या काढल्यावर त्या ठिकाणी खोल रेषा पडलेल्या असतात, ज्या इस्त्री करूनही सहज जात नाहीत. घड्या नियमित बदलल्यास अशा रेषा पडत नाहीत आणि साडी नेसताना अधिक नीटनेटकी दिसते.
advertisement
6/7
साड्यांचं आयुष्य वाढतं : साड्यांच्या घड्या बदलणं ही एक लहानशी पण प्रभावी सवय आहे. या सवयीमुळे साड्यांची गुणवत्ता, रंग, पोत आणि सौंदर्य टिकून राहतं. योग्य काळजी घेतल्यास साड्या वर्षानुवर्षे नव्यासारख्या राहू शकतात आणि पुढच्या पिढीपर्यंत जपून ठेवता येतात.
advertisement
7/7
Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.
मराठी बातम्या/फोटोगॅलरी/लाइफस्टाईल/
Saree Tips : नियमित साड्यांच्या घड्या बदलणं का गरजेचं आहे? जाणून घ्या, नाहीतर होईल मोठे नुकसान..