Gadchiroli News : ऐन लोकसभेत गडचिरोलीत मोठी चकमक! माओवाद्यांचा कट पोलिसांनी उधळला, 3 ठार; PHOTOS

राज्यात चौथ्या टप्प्यातील मतदान सुरू आहे. अशात गडचिरोली जिल्ह्यात पोलीस आणि माओवादी यांच्या मोठी चकमक पाहायला मिळाली.

या कारवाईत तीन माओवाद्यांना कंठस्नान घालण्यात गडचिरोली पोलिसांना यश आलं आहे.

भामरागड तालुक्यात कंतर्गटाच्या जंगलात माओवाद्यांचं एक शिबिर असल्याची माहिती मिळाल्यानंतर पोलिसांनी माओवाद्यांना या ठिकाणी घेरलं. त्यानंतर त्या ठिकाणी चकमक झाली.

या चकमकीत दोन महिला आणि एक पुरुष माओवादी एकूण तीन माओवाद्यांना ठार मारण्यात पोलिसांना यश आल आहे.

घटनास्थळी तीन माओवाद्यांचे मृतदेह, एक एके 47, एक कारबाईन आणि एक इन्सास या तीन अत्याधुनिक बंदुका इतर माओवादी साहित्य पोलिसांनी जप्त केले आहे.