हायकोर्टाने सरकारला सुनावलं, मनोज जरांगेंच्या वकिलांना सूचना; उच्च न्यायालयात खडाजंगी, काय काय घडलं?

५ हजार आंदोलकांना परवानगी असताना पण जास्त आंदोलक आले, अशी माहिती राज्याचे महाधिवक्ता बिरेंद्र सराफ यांनी कोर्टाला दिली

हमीपत्र देताना जरांगेंकडून अटी पालनाची हमी, आता मात्र उल्लंघन झाल्याचे महाधिवक्ता बिरेंद्र सराफ यांनी कोर्टाच्या निदर्शनास आणले.

जरांगेच्या आंदोलनाला वाढीव परवानगी दिली नाही तरी आंदोलन सुरू ठेवल्याचे बिरेंद्र सराफ यांनी सांगितले,

शरद पवार यांची राष्ट्रवादी आणि उद्धव ठाकरे यांचा पक्ष आंदोलनकर्त्यांना ट्रकने सगळं पुरवत असल्याचा आरोप अॅड. गुणरत्न सदावर्ते यांनी केला.

या आंदोलनात थेट राजकीय हस्तक्षेप असल्याचा देखील आरोप अॅड. गुणरत्न सदावर्ते यांनी केला.

जरांगे यांचे समर्थक गाड्यांमधून देशी दारूच्या बाटल्या आणत असल्याचा सदावर्ते यांचा न्यायालयात खळबळजनक दावा केला आहे.

मुख्यमंत्री मराठा नाहीत म्हणून सगळं घडवून आणलं जात आहे, असा युक्तिवाद सदावर्तेंनी केला.

मराठा आंदोलकांनी संपूर्ण सीएसएमटी परिसर ब्लॉक केलाय , तुम्ही आदेश द्या, अशी मागणी सदावर्तेंनी केली.

आता बाहेरून येणाऱ्या आंदोलकांना थांबवा, असे आदेश कोर्टाने दिले आहेत.

मुंबईला रोखण्याचे आंदोलकांकडून प्रयत्न सुरू आहेत, कोर्टाचे महत्त्वाचे निरीक्षण

आम्हाला मनोज जरांगेंच्या प्रकृतीची काळजी असल्याचे कोर्ट म्हणाले.

हमीपत्रावरील सही जरांगेंचीच आहे का? असा सवाल देखील कोर्टाने केला आहे.

मराठा आंदोलकांनी मुंबई ब्लॉक केली आहे का? असा सवाल कोर्टाने केला आहे.