Jalgaon News : जळगावात मध्यरात्रीच्या सुमारास घरावर तलवारी अन् दगडांनी हल्ला, थरार सीसीटीव्हीत कैद

जळगाव शहरातील छत्रपती शिवाजी महाराज नगरातील धनाजी काळे नगरात राहणारे मक्तेदार विशाल वाघ यांच्या घरावर मध्यरात्रीच्या सुमारास अज्ञात 15-16 हल्लेखोरांनी हल्ला केला.

दुचाकीवर आलेल्या हल्लेखोरांनी अर्वाच्य भाषेत शिवीगाळ करीत दोन तलवारी आणि दगडांच्या साहाय्याने हल्ला केल्याचा प्रकार सीसीटीव्ही कॅमेऱ्यात कैद झाला आहे. या प्रकाराने जळगाव शहरात खळबळ उडाली आहे.

मक्तेदार विशाल वाघ व त्यांचे भाऊ घरी नसल्याने घटनेने धास्तावलेल्या त्यांच्या कुटुंबीयांनी शहर पोलीस ठाणे गाठून तक्रार केली.

तक्रारीवरुन पोलिसांनी अदखलपात्र गुन्ह्याची नोंद करून घेतली आहे.

हल्लेखोरांनी शहरात आणखी दोन तरुणांच्या घरावर हल्ला केल्याची माहिती समोर आली आहे. संपूर्ण थरारक प्रकार सीसीटिव्ही कॅमेऱ्यात कैद झालेला आहे.