Bhusawal accident : भुसावळमध्ये भीषण अपघात, नियंत्रण सुटलेल्या टँकरनं वृद्धाला उडवलं

भुसावळमधून भीषण अपघाताची बातमी समोर आली आहे, मुंबई -नागपूर राष्ट्रीय महामार्गावर खडका चौफुली परिसरात टँकरचं टायर फुटून भीषण अपघात झाला.

टायर फुटल्यामुळे चालकाचे नियंत्रण सुटल्याने 62 वर्षीय वृद्धाला धडक देत टँकर महामार्गालगत असलेल्या भंगार दुकानावर धडकला

हा अपघात इतका भीषण होता की या अपघातामध्ये या वृद्धाचा जागीच मृ्त्यू झाला. टायर फूटून नियंत्रण सुटल्यानं हा अपघात झाल्याची माहिती समोर येत आहे.

दरम्यान अनियंत्रित झालेले टँकर भंगाराच्या दुकानाला धडकल्यानं दुकानाचं देखील मोठं नुकसान झालं आहे.

या अपघातामध्ये वाहनाचं देखील मोठं नुकसान झालं असून, अपघातस्थळी नागरिकांनी गर्दी केली होती.