MSRTC Bus : नशीब बलवत्तर म्हणून वाचले प्राण! धावत्या एसटी बसचे मागचं चाक निखळलं अन्.. पाहा PHOTO

मागील काही दिवसांपासून एसटी महामंडळाच्या दुरावस्था झालेल्या अनेक बसचे व्हिडीओ समोर आले आहेत. सुदैवाने अजूनतरी यामध्ये कोणताही मोठा अपघात झाला नाही. मात्र, वेळीच याकडे लक्ष देण्याची आवश्यकता आहे.

जळगाव जिल्ह्यातील पाचोराहुन जळगावकडे जाणाऱ्या चालत्या बसचे मागील चाक निखळले. मात्र, ही बाब चालकाच्या लक्षात आल्याने मोठा अनर्थ टळला. त्यांनी तात्काळ गाडी थांबवून रस्त्याच्या बाजूला घेतली.

जळगाव जिल्ह्यातील शिरसोली-वावडदा रस्त्यावर हा प्रकार घडला असून प्रवाश्यांनी प्रचंड संताप व्यक्त केला आहे.

पाचोरा आगराची बस ही पाचोऱ्याकडून जळगावकडे जात असताना तसेच जळगावात सुरू असलेल्या शिवमहापुरान कथेच्या पार्श्वभूमीवर बसमध्ये प्रचंड गर्दी होती.

अचानक चालत्या बसचे मागचे चाक बाहेर आल्याचा प्रकार चालकाच्या लक्षात आल्याने त्यांनी दाखवलेल्या सतर्कतेमुळे प्रवाश्यांचे प्राण वाचले असून एसटी प्रशासनाच्या ढिसाळ कारभारचा फटका प्रवाश्यांना बसला आहे.