Sharad Pawar Convoy Accident : मोठी बातमी! शरद पवारांच्या ताफ्यातील गाड्यांचा भीषण अपघात, घटनास्थळाचे Exclusive PHOTOS

राज्यात लोकसभा निवडणुकांचा प्रचार शिगेला पोहचला आहे. प्रत्येक नेता पायाला भिंगरी लावून मतदारसंघाचे दौरे करत आहेत. अशात ठाकरे गटाच्या नेच्या सुषमा अंधारे यांच्या हेलिकॉप्टरचा अपघात झाल्याची घटना घडली होती.

ही घटना ताजी असतानाच आता शरद पवार यांच्या ताफ्यातील गाड्यांचा अपघात झाला आहे. जळगाव जिल्ह्यातील चोपडा येथून सभा आटोपून भुसावळकडे पवार गटाचा ताफ जात असताना ही घटना घडली.

अचानक गतिरोधक आल्याने पुढील गाडीने ब्रेक मारल्याने मागील दोन गाड्या एकमेकांवर आदळल्याने हा अपघात झाल्याची प्राथमिक माहिती आहे.

या अपघातात दोन इनव्हो कारचं मोठं नुकसान झालं असून यात एक कार्यकर्ता किरकोळ जखमी झाला आहे.

बुऱ्हाणपूर अंकलेश्र्वर महामार्गावरील वाघोदे गावाजवळ हा अपघात झाला. या घटनेनंतर नेत्यांच्या सुरक्षेचा प्रश्न ऐरणीवर आला आहे.