Latur Crime : दारूसाठी पैसे देण्यास नकार; तरुणाने जन्मदात्या आईलाच संपवलं, लातूर हादरलं

दारूसाठी पैसे न दिल्याच्या रागातून आईच्या डोक्यात लोखंडी पहार घालून तिची हत्या केल्याची घटना लातूर जिल्ह्यात घडली आहे.

लातूर जिल्ह्यातल्या अहमदपुर तालुक्यातील सताळा गावातील 23 वर्षीय तरुण ज्ञानेश्वर मुंडे दारूच्या आहारी गेला होता.

दरम्यान घरात आई आणि मुलगा दोघेच होते. दारू पिण्यासाठी शुक्रवारी रात्री मुलाने आई संगीता मुंडे यांच्याकडे पैशाची मागणी केली.

आईने पैसे देण्यास नकार दिल्याने रागात आलेल्या ज्ञानेश्वरने उखळात कुटण्यासाठी वापरण्यात येणारा लोखंडी रॉड आईच्या डोक्यात घालून तिला जागिच ठार केले.

घटनेनंतर तो तिथुन पळून गेला. गुन्हा दाखल होताच पोलिसांनी आरोपिला अटक केली असून पुढील तपास किनगाव पोलीस करत आहेत.