Maruti Ertiga आणि Mahindra स्कॉर्पिओची समोरासमोर धडक, 4 जणांचा जागेवर मृत्यू, नाशिकमधील घटनेचे PHOTOS

नाशिक जिल्ह्यातून एक अपघाताची धक्कादायक बातमी समोर आली आहे. नाशिक पेठ राष्ट्रीय महामार्गावर टोलनाक्याजवळ मारुती सुझुकी एर्टिंगा आणि महिंद्रा स्कार्पिओ एनची समोरासमोर धडक झाली. या भीषण अपघातात ४ जण ठार झाले आहे. तर ५ जण जखमी झाला आहे. जखमीला तातडीने नजिकच्या रुग्णालयात दाखल केलं आहे.

मिळालेल्या माहितीनुसार, गुजरात राज्याला जोडणाऱ्या नाशिक पेठ राष्ट्रीय महामार्गावरील चाचडगाव टोलनाक्याजवळ आज दुपारी ही घटना घडली.

नाशिककडून भरधाव वेगाने येणाऱ्या स्कार्पिओ वाहनाने सिल्वासा पेठकडून येणाऱ्या मारुती एर्टिंगाला धडक दिली. दोन्ही वाहनांची समोरासमोर धडक झाली.

ही धडक इतकी भीषण होती की, या अपघातात मारुती सुझुकी एर्टिंगाचा चक्काचूर झाला आहे. तर महिंद्रा स्कार्पिओ एनच्या समोरील भागाचं प्रचंड नुकसान झालं आहे. दोन्ही वाहनांचे इंजिन हे फुटले होते.

या भीषण अपघातात मारुती एर्टिंगा कारमधील तीन जण जागीच ठार झाले आहे तर पाच जण गंभीर जखमी झाले आहेत.

तर स्कार्पिओ वाहनातील एक जणाचा मृत्यू झाला आहे. तर या अपघातात ५ जण जखमी झाले आहे. घटना घडल्यानंतर टोल नाक्यावरील कर्मचारी मदतीसाठी धावून आले.

जखमींना टोल नाका वरील रुग्णवाहिका चालक मयूर यांनी तात्काळ ग्रामीण नाशिक रुग्णालयामध्ये दाखल केलं आहे. जखमींवर उपचार सुरू आहे.