मुंबई गोवा महामार्गावर अपघात, अचानक रिक्षा समोर आल्याने ब्रेक दाबला, ट्रक पलटी

मुंबई–गोवा राष्ट्रीय महामार्गावर भरणे नाका परिसरात जगबुडी नदी लगतच्या वाशिष्टी डेअरी समोर आज अपघाताची घटना घडली.

गोव्याहून मुंबईच्या दिशेने जात असलेला आयशर ट्रक वशिष्टी डेअरी समोरील डायव्हर्शनजवळ अचानक समोर आलेल्या रिक्षामुळे चालकाने तात्काळ ब्रेक मारला. यामुळे ट्रकचे बिघडल्याने रस्त्यावर पलटी झाला.

या अपघातामुळे मुंबईच्या दिशेने जाणाऱ्या लेनवर मोठा अडथळा निर्माण झाला असून वाहतूक काही काळ ठप्प झाली होती.

सध्या या लेनवरून एकेरी मार्गाने वाहतूक सुरू करण्यात आली आहे. घटनेची माहिती मिळताच पोलीस व महामार्ग विभागाचे अधिकारी घटनास्थळी दाखल झाले असून आयशर ट्रक हटवण्याचे काम सुरू आहे.

अपघातामुळे परिसरात वाहतूक कोंडी निर्माण झाली होती. वाहनचालकांनी या मार्गावरून प्रवास करताना सावधगिरी बाळगावी, असे आवाहन प्रशासनाकडून करण्यात आले आहे.