Nanded Government Hospital Incident : नांदेड रुग्णालयाचा आणखी प्रताप, मंत्री येणार म्हणून रुग्णवाहिकेतून घाईघाईने मागवली औषधं EXCLUSIVE PHOTOS

नांदेड शहरातील शासकीय रुग्णालयात 24 तासांत 24 रुग्णांचा मृत्यू झाल्याची घटना सोमवारी समोर आली. या घटनेनंतर राज्यभरात खळबळ उडाली.

मात्र, या रुग्णालयात मृत्यूचं तांडव सुरुच असून, पुन्हा 7 जणांचा मृत्यू झाला आहे. यामध्ये 4 बालकांचा देखील समावेश असल्याची माहिती माजी मुख्यमंत्री अशोक चव्हाण यांनी दिली आहे.

दुसरीकडे रुग्णालयात औषध नसल्याचे उघड झाल्यानंतर रुग्णालय प्रशासनाला जाग आली आहे.

रुग्णवाहिकेतून ऐनवेळी औषध साठा आणण्यात आला असेल किंवा बाहेर जिल्ह्यातून रुग्णवाहिकेतून औषध साठा आणण्यात आला असावा अशी माहिती आहे.

मंत्री हसन मुश्रीफ येणार असल्याने त्यांना दाखवण्यासाठी औषध साठा आणला आहे का? असाही प्रश्न उपस्थित होत आहे. कारण, अगोदर भांडारगृह रिकामे होते.