Solapur Fire : वेल्डिंगची ठिणगी पडली अन् अख्ख्या कारखान्याची झाली राख,आगीचे भयानक PHOTO

सोलापूरमधून एक धक्कादायक घटना समोर आली आहे.या घटनेत सोलापूर जवळील चिंचोली एमआयडीसी येथील तुळजाई केमिकल फॅक्टरीला भीषण आग लागल्याची घटना घडली आहे.

खरं तर चिंचोली एमआयडीसीला वेल्डिंगचं काम करत असताना ठिणगी पडल्यामुळे ही आग लागल्याची प्राथमिक माहिती आहे.

तुळजाई केमिकला लागलेली आग इतकी भीषण होती की आगीचे लोट दहा ते पंधरा किलोमीटर पर्यंत पसरले होते.

तुळजाई केमिकल कंपनीत 80 ते 100 केमिकल युक्त ड्रम असल्याची माहिती स्थानिकांनी दिली होती.याचाच स्फोट झाल्याचे समोर आले आहे.

ही तुळजाई केमिकल फॅक्टरी जळून पूर्ण खाक झाली आहे. या केमिकल कंपनीत सुमारे 60 ते 70 कामगार काम करत असल्याची स्थानिक नागरिकांची माहिती आहे.

सुदैवाने कंपनीला लागलेल्या आगीत कोणतीही जीवितहानी झाली नसल्याची प्राथमिक माहिती समोर आली आहे. पण कंपनीच्या यात फार मोठी आर्थिकहानी झालेली आहे.

सोलापूर जिल्ह्यातील अग्निशामक दलाच्या विविध यंत्रणा आग विझवण्यासाठी प्रयत्न करत आहेत. ही आग विजवण्यासाठी आठ ते दहा तासाचा कालावधी लागण्याची शक्यता आहे.