मतदान चुकवायचं नाही! मुंबईकर मतदार राजासाठी विशेष गाड्या, पाहा लोकलचं वेळापत्रक

राज्यात विधानसभा निवडणुकीचे बिगूल वाजले असून 20 नोव्हेंबरला मतदान होणार आहे. त्यासाठी प्रशासनाने तयारी केले आहे. तसेच मुंबईकर मतदारांच्या सोयीसाठी आता रेल्वेनं देखील पुढाकार घेतला आहे. मुंबई आणि उपनगरातील नागरिकांसाठी लोकल म्हणजे लाइफलाइन आहे. हीच लाईफलाईन येत्या 20 नोव्हेंबरला मतदार राजासाठी धावणार आहे. निवडणुकीसाठी मध्य रेल्वेकडून रात्र कालीन विशेष गाड्या चालवण्याचा निर्णय घेतला आहे.

मुख्य लाईन (डाऊन): छत्रपती शिवाजी महाराज टर्मिनस-कल्याण विशेष गाडी छत्रपती शिवाजी महाराज टर्मिनस येथून (20नोव्हेंबर) पहाटे 3.00 वाजता सुटेल, कल्याण येथे पहाटे 4.30 वाजता पोहोचेल.

मुख्य लाईन (अप): कल्याण - छत्रपती शिवाजी महाराज टर्मिनस विशेष गाडी कल्याण येथून (20 नोव्हेंबर) पहाटे 3.00 वाजता सुटेल, छत्रपती शिवाजी महाराज टर्मिनस येथे (20 नोव्हेंबर) पहाटे 4.30 वाजता पोहोचेल.

हार्बर लाइन (डाऊन): छत्रपती शिवाजी महाराज टर्मिनस-पनवेल विशेष गाडी छत्रपती शिवाजी महाराज टर्मिनस येथून (20नोव्हेंबर) पहाटे 3.00 वाजता सुटेल, पनवेल येथे पहाटे 4.30 वाजता पोहोचेल.

हार्बर लाइन (अप): पनवेल- छत्रपती शिवाजी महाराज टर्मिनस विशेष 2 गाडी पनवेल येथून (20 नोव्हेंबर) पहाटे 3.00 वाजता सुटेल, छत्रपती शिवाजी महाराज टर्मिनस येथे (20 नोव्हेंबर) पहाटे 4.20वाजता पोहोचेल.

मुख्य लाईन (डाऊन): छत्रपती शिवाजी महाराज टर्मिनस कल्याण विशेष गाडी छत्रपती शिवाजी महाराज टर्मिनस येथून (21 नोव्हेंबर) मध्यरात्री 1.10 वाजता सुटेल, कल्याण येथे रात्री 2.40 वाजता पोहोचेल.

दरम्यान, मुंबई लोकलने मतदारांसाठी विशेष गाड्यांचं नियोजन केलं आहे. त्यामुळे मतदारांनी या दिवशी आवर्जून मतदान करावे, असे आवाहन करण्यात येत आहे.