वडिलांच्या निधनानंतर मोडली परंपरा, मुलांनी जे केलं ते सात पिढ्या ठेवतील लक्षात, काय केलं?

हिंदू धर्मात अशी परंपरा आहे की, जर कोणाचा मृत्यू झाला तर त्याच्या अंतिम संस्कारानंतर सुमारे 12 दिवसांनी ब्राह्मण आणि इतर लोकांना अन्नदान केले जाते. मात्र, असे न करता पश्चिम राजस्थानच्या सीमावर्ती बाडमेर जिल्ह्यातील शोभाला जेतमाल गावातील मेघवाल समाजाने एक अनोखा निर्णय घेतला आहे.

येथे वडिलांच्या निधनानंतर अंत्यसंस्कार केल्यानंतर अन्नदान न करता मुलांनी सामाजिक शिक्षणावर सात लाख रुपये खर्च केले आहेत. या निर्णयाचे सर्वत्र कौतुक होत आहे. याशिवाय गावाच्या विकासात सहभागी होण्यासाठी त्यांनी 2 बिघे जमीनही दान केली आहे.

बाडमेर जिल्ह्यातील शोभाला जेतमाल मध्ये फताराम पंवार आणि त्यांच्या भावांनी हा निर्णय घेतला. त्यांनी आपले वडील चुनाराम मेघवाल यांच्या निधनानंतर त्यांच्या अन्नदान न करण्याचा निर्णय घेतला आणि 7 लाख रुपये शैक्षणिक क्षेत्रात दिले.

चुनाराम यांची पत्नी लेहरों देवी आणि त्यांची चार मुले धनाराम,अमित कुमार, मनोज कुमार आणि व्याख्याता फताराम मेघवाल यांनी आपले वडील चुनाराम यांच्या निधनानंतर त्यांच्या स्मरणार्थ 5 लाख रुपये खर्चाचे राजकीय उच्च माध्यमिक विद्यालय शोभाला जेतमालमध्ये एक खोली, मेघवाल समाज बाडमेरमध्ये 1 लाख 51 हजार रुपये खर्चाची एक खोली, झालामण्ड जोधपूर येथील मुलींच्या वसतिगृहाला 21 हजार रुपये, आरोग्य ग्रंथालय व सेवा संस्थेला 11 हजार रुपये, गोशाळेला 11 हजार रुपये आणि अभ्यास दत्तक योजनेंतर्गत गरजूंच्या उच्च शिक्षणासाठी 21 हजार रुपयांची देणगी देण्यात आली आहे.

व्याख्याता फताराम यांनी सांगितले की, समाजात बदलाची गरज आहे आणि आर्थिक रूपाने सक्षम झालेले कुटुंबांना यासाठी पुढे येण्याची गरज आहे. त्यांनी सांगितले की, वडिलांच्या 12 व्या दिवशी पगडी समारंभात 7 लाख रुपयांची शैक्षणिक देणगी आणि 2 बिघे जमीन दान करण्यात आली. यावेळी अध्ययन गोद योजने जनक वीरराम भुर्तिया, आरएमपीचे जिल्हाध्यक्ष तगाराम खटी यांच्यासह शिक्षणतज्ज्ञ उपस्थित होते. मेघवाल समाजाच्या या उपक्रमाचे सर्वत्र कौतुक होत आहे.