Ajit Pawar Plane Crash: विमानतळाचा रनवे अन् अजितदादांचं प्लेन नेमकं कुठे आणि कसं क्रॅश झालं? ड्रोन PHOTOS समोर

कामाचा माणूस अशी ओळख असलेले राष्ट्रवादीचे नेते आणि राज्याचे उपमुख्यमंत्री अजित पवार यांचं अपघाती निधन झाल्यामुळे महाराष्ट्र शोकसागरात बुडाला आहे. प्रचारसभेसाठी अजितदादांचा बारामतीचा नियोजित दौरा होता. पण, अचानक विमानामध्ये बिघाड झाल्यामुळे विमानतळाच्या धावपट्टीजवळ विमान क्रॅश झालं. या अपघाताचे एरियल फोटो समोर आले आहे.

अजित पवार आज सकाळी बारामतीत दाखल झाले. सकाळी ८.१० वाजेच्या सुमारास मुंबईहून बारामतीकडे रवाना झाले होते. हे एक विमान Learjet 45 एक प्रायव्हेट जेट विमान होतं. विमानामध्ये २ पायलट, फ्लाईंट अटेंडड आणि सुरक्षारक्षक असे मिळून ६ जण प्रवास करत होते.

अजितदादांचं विमान ८.४५ ते ८.५० च्या दरम्यान बारामती विमानतळावर दाखल झालं. विमानाने लँडिंगचा प्रयत्न केला. पण, कमी दृष्यमानता असल्यामुळे विमान लँड झालं नाही.

त्यामुळे पायलटने विमानाला वळण घ्यावे लागले. दुसऱ्यांना विमान लँड करण्याचा प्रयत्न करणार होते. पण, अचानक आवाज झाला आणि विमान धावपट्टीवर उतरलं नाही.

असं सांगितलं जातंय की, विमान हे धावपट्टीवर आदळलं आणि घसरून खाली कोसळलं. पण आता ड्रोन फोटो समोर आले आहे. यामध्ये स्पष्ट दिसतंय की, विमान हे धावपट्टीच्या बाजूला कोसळलं आहे.

या फोटोमध्ये आपण पाहू शकतो की, विमान हे धावपट्टीच्या बाजूला कोसळलं आहे. धावपट्टीवर बाजूला आहे.

धावपट्टीपासून ज्या ठिकाणी विमान कोसळलं ते अंतर बरंच दूर होतं. विमान कोसळल्यानंतर विमानाला आग लागली. आग लागल्यानंतर स्फोट झाले होते. घटनास्थळावरील फोटोतून स्फोटाची तीव्रता किती होती, हे स्पष्ट दिसत आहे.

हा आणखी एक फोटो आहे, ज्यामुळे धावपट्टीची समोरची बाजू दिसत आहे. या ठिकाणाहून विमान हे लँड होत असतं. विमानाने दुसऱ्या प्रयत्न केला होता पण, विमान धावपट्टीच्या समोर आलं नसल्याचं दिसत आहे.