सोन्याची जेजुरी... ‘सोमवती’साठी खंडोबा गडावर लाखोंची गर्दी

महाराष्ट्राचे कुलदैवत असलेल्या जेजुरी गडावर आज सोमवती अमावस्या यात्रा साजरी करण्यात येत आहे. यानिमित्त राज्यभरातून लाखो भाविकांनी दर्शनासाठी गर्दी केलीय.

भंडाऱ्याच्या उधळणीनं संपूर्ण जेजुरी गड न्हाऊन निघाला असल्याचे चित्र पहायला मिळत आहे. सकाळपासून भाविकांनी गडावर खंडोबाच्या दर्शनासाठी रांगा लावल्या आहेत. 

भंडाऱ्याची उधळण करत मोठ्या भक्तीभावाने सोमवती अमावस्येनिमित्त पालखी सोहळा सुरू झाला.

हा पालखी सोहळा कऱ्हा नदीकडे मार्गस्थ झाला असून या ठिकाणी उत्सव मुर्तींना स्नान घालण्यात येते.

दिवाळीतील या अमावस्येला भंडारा उडवत मोठ्या उत्साहाने भाविक जेजुरी गडावर येतात. आणि यळकोट यळकोट जय मल्हारचा गजर करतात.

यळकोट यळकोट जय मल्हार या घोषणांनी भाविक मोठ्या आंनदाने ही अमावस्या साजरी करतात.

जेजुरी गडावर सोमवती यात्रेला विशेष महत्त्व दिले जाते. दरवर्षी मोठ्या उत्साहात हा सोहळा संपन्न होतो.

हिंदू धर्मांच्या परंपरेनुसार जेजुरीतील खंडोबाच्या गडावर सोमवती यात्रा साजरी केली जाते.

या यात्रेत भविक मोठ्या संख्येने आणि भक्तीभावाने सहभागी झालेले पाहायला मिळत आहेत.