Weather Alert: 24 तास महत्त्वाचे, पश्चिम महाराष्ट्रात हवामानात मोठे बदल, सोलापूरला अलर्ट

राज्यात सुरू असलेल्या पावसाचा जोर काहीसा कमी होताच तापमानात पुन्हा मोठे बदल जाणवत आहेत. आज 19 सप्टेंबर रोजी पश्चिम महाराष्ट्र, मराठवाडा, विदर्भात तुरळक ठिकाणी विजांसह पावसाचा अंदाज आहे. हवामान विभागाने काही जिल्ह्यांना यलो अलर्ट जारी केला आहे. तर उर्वरित राज्यात मुख्यतः पावसाच्या उघडीपीसह हलक्या पावसाची शक्यता आहे.

पुणे जिल्ह्यातील शिवाजीनगर परिसरात मागील 24 तासात 0.1 मिलिमीटर पावसाची नोंद झाली. तसेच कमाल तापमानाचा पारा 30.4 अंश सेल्सिअस इतका राहिला. आज पुणे जिल्ह्यात आकाश ढगाळ राहिल. तसेच मध्यम पावसाची शक्‍यता हवामान विभागाने व्यक्त केली आहे.

सातारा जिल्ह्यात बुधवारी 2 मिलिमीटर पावसाची नोंद झाली. आज साताऱ्यातील कमाल तापमान 30 अंश सेल्सिअस राहिल. तर पुढील 24 तासात गडगडाटी वाऱ्यासह एक दोन वेळा पावसाची शक्यता आहे. जिल्ह्याच्या बहुतांश भागात पावसाची उघडीप राहील.

कोल्हापूर जिल्ह्यात मागील 24 तासात हलका ते मध्यम पाऊस झाला. यावेळी कमाल तापमान 29.5 अंश सेल्सिअस नोंदवले गेले. तर आज कमाल तापमान 27 अंशावर राहिल. पुढील 24 तास कोल्हापूर जिल्ह्यात अंशत: ढगाळ वातावरण राहून एक दोन वेळा गडगडाटी पावसाची शक्यता हवामान विभागाने वर्तवली आहे.

सोलापूर जिल्हात मागील 24 तासात 7 मिलीमीटर पाऊस नोंदविण्यात आला. तसेच गुरुवारी सोलापूर जिल्ह्यात 31.7 अंश सेल्सिअस तापमानाची नोंद झाली. पुढील 24 तासात कमाल तापमान 31 अंशावर राहिल. तसेच विजांसह पावसाची शक्यता असल्याने सतर्कतेचा यलो अलर्ट देण्यात आला आहे.

गेल्या 24 तासांत सांगली जिल्ह्यामध्ये पावसाची उघडीप राहिली. उन्हाच्या चटक्यासह तापमान तिशी पार जावून 30.9 अंश सेल्सिअस नोंदविण्यात आले. आज शुक्रवारी सांगली जिल्ह्यात अंशत: ढगाळ आकाशासह एक दोन वेळा गडगडाटी पावसाची शक्यता हवामान विभागाकडून वर्तवण्यात आली आहे.

पुढील 24 तास राज्यात काही भागात पावसाचे वातावरण कायम आहे. पश्चिम महाराष्ट्रातील सोलापूर जिल्ह्यात शुक्रवारी विजांसह पावसाची शक्यता असल्याने नागरिकांनी योग्य ती काळजी घ्यावी, अशी सूचना हवामान विभागाने केली आहे.