Weather Alert: विजांचा कडकडाट, वादळी वारे सुटणार, राज्यात मुसळधार पाऊस, 18 जिल्ह्यांना यलो अलर्ट

5 जुलै रोजी राज्यातील विविध भागांत पावसाची शक्यता हवामान विभागानं वर्तवली आहे. काही जिल्ह्यांना पावसाचा ऑरेंज आणि यलो अलर्ट जारी करण्यात आला आहे. कोकण विभागातील तुरळक ठिकाणी मुसळधार पावसाची शक्यता आहे. त्याचबरोबर संपूर्ण विदर्भाला पावसाचा यलो अलर्ट जारी करण्यात आला आहे. पाहुयात, पुढील 24 तासांत राज्यातील हवामानाची स्थिती कशी राहील.

मुंबई 5 जुलै रोजी एक-दोन ठिकाणी मुसळधार पावसाची शक्यता आहे. मुंबईसह पालघर, ठाणे या दोन जिल्ह्यांत सुद्धा मुसळधार पावसाची शक्यता आहे. त्यामुळे पावसाचा यलो अलर्ट जारी करण्यात आला आहे. त्याचबरोबर रायगड, रत्नागिरी, सिंधुदुर्ग या तिन्ही जिल्ह्यांना पावसाचा ऑरेंज अलर्ट जारी करण्यात आला आहे.

पश्चिम महाराष्ट्रातील घाटमाथा परिसरात मुसळधार पावसाची शक्यता आहे. पुणे घाटमाथा, कोल्हापूर घाटमाथा आणि साताराघाटमाथा या तिन्ही ठिकाणी पावसाचा ऑरेंज अलर्ट जारी करण्यात आला आहे. पुण्यासह इतर उर्वरित जिल्ह्यांत हलका ते मध्यम स्वरूपाच्या पावसाची शक्यता आहे.

मराठवाड्यातील छत्रपती संभाजीनगर, जालना, परभणी, हिंगोली या सर्व जिल्ह्यांत विजांच्या कडकडाटासह आणि वादळी वाऱ्यासह हलक्या ते मध्यम स्वरूपाच्या पावसाची शक्यता आहे. या सर्व जिल्ह्यांना पावसाचा यलो अलर्ट जारी करण्यात आला आहे. इतर उर्वरित जिल्ह्यांत हलक्या ते मध्यम स्वरूपाच्या पावसाची शक्यता आहे.

उत्तर महाराष्ट्रातील नाशिकमध्ये विजांच्या कडकडाटासह हलक्या ते मध्यम पावसाची शक्यता आहे. तर जळगाव आणि नाशिक घाटमाथा परिसरात मुसळधार पावसाची शक्यता आहे. या दोन्ही जिल्ह्यांना पावसाचा यलो अलर्ट जारी करण्यात आला आहे.

विदर्भातील प्रमुख शहर असलेल्या नागपूरमध्ये विजांच्या कडकडाटासह आणि वादळी वाऱ्यासह मुसळधार पावसाची शक्यता आहे. त्याचबरोबर गोंदिया आणि भंडारा या दोन्ही जिल्ह्यांत देखील मुसळधार पावसाची शक्यता आहे. विदर्भातील अकोला, अमरावती, भंडारा, बुलढाणा, नागपूर, चंद्रपूर, गोंदिया, वर्धा, वाशिम, यवतमाळ या सर्व जिल्ह्यांना पावसाचा यलो अलर्ट जारी करण्यात आला आहे.

राज्यातील काही भागांत मुसळधार पावसाची शक्यता हवामान विभागानं वर्तवली आहे. त्यामुळे नागरिकांनी काळजी घेणे आवश्यक आहे. त्याचबरोबर शेतकऱ्यांनी देखील पिकांची योग्य काळजी घेणे गरजेचे आहे.