Pune Accident : विद्यार्थ्यांनी भरलेल्या स्कूल बसमध्ये सळई घुसल्या, अंगावर काटा आणणारा तिहेरी अपघात, पाहा PHOTOS

पुण्याच्या उरुळी कांचन येथून तिहेरी अपघाताची घटना समोर आली आहे. या घटनेत दुचाकी, पिकअप आणि स्कूल बसचा भीषण अपघात झाला आहे.

पुणे- सोलापूर महामार्गावरील सोरतापवाडी ग्रामपंचायत हद्दीत ही अपघाताची घटना घडली आहे. या घटनने नागरीक हादरले आहेत.

ऑलिंपस स्कूल ऑफ एक्सलन्स शिक्षण संस्थेची स्कूल बस थेऊर फाट्याववरून उरुळी कांचनच्या दिशेने चालली होती.

स्कूल बस कांबळे बस स्टॉप जवळ आल्यानंतर अनधिकृत पणे फोडलेल्या डिव्हाडर मधुन बसला एक दुचाकी आडली आणि इथेच मोठा घात झाला.

दुचाकी आडवी येताच बस चालकाने अचानक ब्रेक मारला असता पाठीमागून सळई भरून वाहून चाललेल्या पिकअपने स्कुल बसला जोरदार धडक दिली.

ही धडक इतकी भीषण होती की पिकअपमधील लोखंडी गज बसमध्ये आठ ते दहा फुट काचा फोडून आत शिरल्या होत्या.

या अपघातात 8 विद्यार्थी आणि मावशी किरकोळ जखमी झाले आहेत. या सर्वांवर रुग्णालयात उपचार करण्यात आल्यानंतर त्यांना घरी सोडण्यात आले आहे.या घटनेने पुणे हादरलं आहे.