धर्मेंद्रच नाही त्यांच्याबरोबर काम करणाऱ्या या अभिनेत्यांनीही केलीत 2 लग्न, एक आजही करतोय 2 बायकांसोबत संसार

धर्मेंद्र यांचं 19 व्या वर्षी  1954 मध्ये  प्रकाश कौर यांच्याशी लग्न केलं. त्यांनी चार मुलं झाली. सनी, बॉबी, अजेता आणि विजेता. संसार नीट सुरू असताना धर्मेंद्र यांचं नशीब सिनेमात चमकलं. तुम हसीन मैं जवान सिनेमाच्या सेटवर त्यांची ओळख ड्रीम गर्ल हेमा मालिनीशी झाली.

1980 मध्ये धर्मेंद्र यांनी इस्लाम धर्म स्वीकारला आणि त्याची पहिली पत्नी प्रकाश कौरला घटस्फोट न देता हेमा मालिनीशी लग्न केले. धर्मेंद्रने त्याचे नाव बदलून दिलावर खान ठेवले, तर हेमा मालिनीने तिचे नाव बदलून आयशा ठेवले. दुसऱ्या लग्नाच्या वेळी, धर्मेंद्र चार मुलांचे वडील होते. शिवाय, ते हेमा मालिनीपेक्षा 13 वर्षांनी मोठे होते. या लग्नापासून त्यांना दोन मुली आहेत, ईशा देओल आणि अहाना देओल.

एकेकाळी त्याच्या स्टारडमने अमिताभ बच्चन यांना मागे टाकले असे अभिनेते विनोद खन्ना.  धर्मेंद्रप्रमाणेच सुपरस्टार विनोद खन्ना यांनीही दोनदा लग्न केले. त्यांनी पहिले लग्न 1971 मध्ये गीतांजली खन्नाशी केले आणि त्यांना राहुल आणि अक्षय खन्ना ही दोन मुले झाली. 1985 मध्ये त्यांचा घटस्फोट झाला. त्यानंतर विनोद खन्ना यांनी 1990 मध्ये कविता दफ्तरीशी दुसरे लग्न केले.

धर्मेंद्रसोबत दिसलेले सुपरस्टार मिथुन चक्रवर्ती नेहमीच चर्चेत राहिले आहेत.  मिथुन यांनी त्यांच्या वैयक्तिक आयुष्यात दोन लग्नेही केली आहेत. स्टार होण्यापूर्वी त्यांनी 1979 मध्ये हेलेना ल्यूकशी लग्न केले. हे लग्न चार महिन्यांतच संपुष्टात आले. लग्नानंतरही मिथुन हेलेनाला जास्त वेळ देऊ शकला नाही. मिथुनचे दोन चुलत भाऊही तिच्यासोबत राहत होते आणि तिचे पैसे खर्च करत होते, ज्यामुळे हेलेना अस्वस्थ झाली.

स्टारडस्ट मासिकाला दिलेल्या मुलाखतीत हेलेनाने खुलासा केला की मिथुनने घटस्फोट मागितला होता. ब्रेकअपचे मुख्य कारण म्हणजे मिथुनची योगिता बालीशी वाढती जवळीक. त्यानंतर त्यांनी योगिता बालीशी लग्न केलं.   लग्नानंतर मिथुन आणि योगिता तीन मुलांचे पालक बनले.

धर्मेंद्र यांना 1975 च्या शोले चित्रपटाने ओळख मिळाली. चित्रपटाचे लेखक सलीम आणि जावेद यांचे वैयक्तिक जीवन धर्मेंद्र यांच्यासारखेच होते. दोघांनीही दोन लग्न केली. जावेद अख्तर यांचे पहिले लग्न 1972 मध्ये हनी इराणीशी झाले. ते सीता और गीताच्या चित्रीकरणादरम्यान प्रेमात पडले. 1984 मध्ये त्यांनी अभिनेत्री शबाना आझमीशी लग्न केले.

जावेद अख्तर यांचे मित्र सलीम खान यांना कॅबरे क्वीन हेलन यांच्या प्रेमात पडले. 1980 मध्ये सलीम यांनी हेलनशी लग्न केले. त्याआधी त्यांचं लग्न सलमानची आई म्हणजे सुशिला खानशी झालं होतं. आज संपूर्ण कुटुंब एकाच छताखाली राहते. शोलेचे दिग्दर्शक रमेश सिप्पी यांनीही दोनदा लग्न केले आहे. त्यांचे पहिले लग्न गीता यांच्याशी झाले होते. 1991 मध्ये त्यांनी त्यांच्यापेक्षा १७ वर्षांनी लहान असलेल्या अभिनेत्री किरण जुनेजा यांच्याशी लग्न केले.