साताऱ्यात ढगाळ वातावरण तर पुण्यात थंडी कायम, पाहा आजचा हवामान अंदाज

पुण्यात आज 29 अंश सेल्सीअस कमाल तर 14 अंश सेल्सीअस किमान तापमान असेल. वातावरण हे सूर्यप्रकाशित राहणार असून काढणीस आलेल्या तूर पिकाची लवकरात लवकर कापणी करावी.

सातारा जिल्ह्यात शेतकऱ्यांनी स्ट्रॉबेरी पिकाची काढणी करावी. ढगाळ वातावरण राहणार असून 29 अंश सेल्सीअस कमाल तर 14 अंश सेल्सीअस किमान तापमान असेल.

सांगलीमध्ये 31 अंश सेल्सीअस कमाल तर 16 अंश सेल्सीअस किमान तापमान असेल. शेतकऱ्यांनी बागायती ज्वारीला पाणी द्यावे.

कोल्हापुरात कमाल तापमान हे 1 अंशांनी वाढले आहे. 31अंश सेल्सीअस कमाल तर 15 अंश सेल्सीअस किमान तापमान असेल. तर उसाची लागवड करण्यासाठी योग्य वातावरण तयार होत आहे.

सोलापूरमध्ये हवेची गुणवत्ता मध्यम असून 30 अंश सेल्सीअस कमाल तर 16 अंश सेल्सीअस किमान तापमान असेल. तापमान बदल हा जाणवत आहे.