हत्ती, सिंह आणि गरूड; राम मंदिराच्या प्रवेशद्वाराचे पहिले Photo, पाहून डोळे दिपतील!

राम जन्मभूमी मंदिराचा 22 जानेवारीला भव्य उद्घाटन सोहळा आहे. आतापर्यंत <a href="https://news18marathi.com/tag/ram-mandir/">राममंदिरा</a>चे बरेच फोटो तुम्ही पाहिले असतील. पण आता पहिल्यांदाच मंदिराच्या प्रवेशद्वाराची झलक दाखवण्यात आली आहे.

राम जन्मभूमी तीर्थक्षेत्र ट्रस्टने पहिल्यांदाच मंदिराच्या प्रवेशद्वाराचे फोटो शेअर केले आहेत. जे पाहताच तुम्ही थक्क व्हाल. मंदिराचं प्रवेशद्वारच खूप मनमोहक आहे.

प्रवेशद्वारावर काही मूर्त्या स्थापित करण्यात आल्या आहेत. यात हत्ती, सिंह, बजरंगी हनुमान आणि गरूड देव मूर्तीचा समावेश आहे. या मूर्त्या खूपच सुंदर आहेत.

ट्रस्टने दिलेल्या माहितीनुसार या मूर्ती सौम्य गुलाबी रंगाच्या बलुआ दगडापासून बनल्या आहेत. जे राजस्थानच्या भरतपूतरमधील बंसीपहाडपुरातील आहेत.

तीन मजली मंदिर पारंपरिक नागर शैलीतील आहे. याची लांबी 380 फीट, रूंदी 250 फीट आणि उंची 161 फीट आहे. प्रत्येक मजला 20 फीट उंच आहे. मंदिरात एकूण 392 खांब आणि 44 दरवाजे आहेत. रामंदिराचं प्रवेशद्वार पूर्वेकडून आहे. सिंहद्वाराच्या माध्यमातून 32 जिने चढावे लागतात. (सर्व फोटो - X/राम जन्मभूमी तीर्थक्षेत्र ट्रस्ट)