Religious: दरवेळी अंगठ्यानंच नाही ओढायचा! कोणत्या प्रसंगी, कोणत्या बोटानं नाम लावणं शुभ

शास्त्रांनुसार, नाम लावण्याची पद्धत आणि त्यासाठी कोणत्या बोटाचा वापर करावा, हे ग्रह आणि त्यांच्या शक्तींशी संबंधित आहे. शास्त्रांनुसार, प्रत्येक बोटाचा एक विशेष उद्देश असतो आणि तो वेगवेगळ्या प्रसंगी वापरायला हवा.

कोणत्या प्रसंगी कोणते बोट वापरावे?स्कंद पुराणानुसार, वेगवेगळ्या बोटांनी टिळा लावल्याने वेगवेगळे परिणाम मिळतात. खालील मंत्रात प्रत्येक बोटाचे महत्त्व वर्णन केले आहे.

अनामिका शांतिदा प्रोक्ता मध्यमायुष्करी भवेत्.अंगुष्ठः पुष्टिदः प्रोक्ता तर्जनी मोक्षदायिनी.

करंगळी - नाम ओढण्यासाठी करंगळी वापरली जात नाही. शास्त्रांमध्ये कोणत्याही शुभ कार्यासाठी ती निषिद्ध मानली जाते. हे बोट बुध ग्रहाशी संबंधित आहे आणि हा ग्रह चंचलता आणि मानसिक गोंधळाचे प्रतीक मानला जातो. याच कारणामुळे नाम ओढण्यासाठी या बोटाचा वापर केला जात नाही.

अनामिका - करंगळी शेजारी अनामिका म्हणून ओळखल्या जाणाऱ्या या बोटामुळे मानसिक शक्ती मजबूत होते. हे बोट सूर्य ग्रहाशी संबंधित आहे. शास्त्रांनुसार, या बोटाने देव, गुरु किंवा इतर कोणत्याही शुभ प्रसंगी टिळा लावावा. या बोटाने नाम लावल्याने मानसिक ऊर्जा वाढते आणि अज्ञ चक्र जागृत होते, ज्यामुळे व्यक्तीमध्ये एक नवीन ऊर्जा येते.

मधले बोट - शास्त्रांमध्ये मधल्या बोटाला खूप महत्त्व आहे. हे बोट शनी ग्रहाशी संबंधित आहे. हाताचे हे सर्वात लांब बोट असून स्वतःला टिळा/नाम लावताना फक्त मधल्या बोटानेच लावावे. विशेषतः पूजेच्या वेळी, देवाला नाम/टिळा लावल्यानंतर मधल्या बोटाने आपल्या कपाळावर टिळा लावावा. हे बोट आत्म्याला शुद्ध करते आणि व्यक्तीला आंतरिक शांती प्राप्त होते.

तर्जनी - हे बोट अंगठा आणि मधल्या बोटाच्या मध्ये असते आणि ते गुरु ग्रहाशी संबंधित आहे. या बोटाचा वापर प्रामुख्याने मृत व्यक्तीला नाम/ टिळा लावण्यासाठी करावा, जेणेकरून त्याच्या आत्म्याला शांती मिळेल आणि त्याला मोक्ष मिळेल. तसेच, पितृ तर्पण करताना, या बोटाने शरीरावर तिलक लावला जातो.

अंगठा - अंगठा शुक्र ग्रहाशी संबंधित आहे, जो कीर्ती आणि संपत्तीचा कारक मानला जातो. अंगठ्याने नाम/ टिळा लावल्यानं व्यक्तीला कीर्ती आणि समृद्धी मिळते. विशेषतः दसरा आणि रक्षाबंधन सारख्या सणांवेळी किंवा रक्षाबंधन वेळी अंगठ्याने नाम लाववा, विजयासाठी प्रार्थना करतात. या बोटाचा नाम जीवनात यश आणि संपत्ती प्राप्तीचे प्रतीक आहे.