288 बॉल 412 धावा, कुणी केले भारताविरूद्ध 'इतके' रन्स? IND vs PAK सामन्याचं मार्केट खाल्लं

आशिया कपमध्ये आजपासून सूपर 4 सामन्यांना सुरूवात झाली आहे. या स्पर्धेत उद्या रविवारी भारत आणि पाकिस्तान पुन्हा आमने सामने येणार आहे. त्यामुळे या सामन्यांची प्रचंड उत्सुकता आहे.

भारत पाकिस्तान सामन्याची प्रचंड उत्सुकता असताना आता ऑस्ट्रेलियाने भारतात येऊन मोठा विक्रम केला आहे. ऑस्ट्रेलियाने तब्बल 412 धावा केल्या आहेत.

ऑस्ट्रेलियाच्या महिला संघाने भारताविरूद्ध या धावा केल्या आहेत. दिल्लीच्या अरूण जेटली स्टेडीअममध्ये खेळताना ऑस्ट्रेलियाच्या महिला संघाने 412 धावा ठोकल्या आहेत.

ऑस्ट्रेलियाकडून बेथ मुनीने 138 धावांची शतकीय खेळी केली होती.या खेळीत तिने एक षटकार आणि 23 चौकार लगावले आहेत.यावेळी तिला जॉर्जिया वोलीने 81 धावा करून चांगली साथ दिली.

या दोन खेळाडूं व्यतिरीक्त एलीस पेरीने 68 धावांची अर्धशतकीय खेळी केली आहे. या खेळाडूं व्यतिरीक्त इतर खेळाडूंना फारशा धावा करता आल्या नाही तरी ऑस्ट्रेलिया 412 धावांवर ऑल आऊट झाली.

या सामन्यात अरूणधती रेड्डीने 3 तर रेणुका ठाकूर आणि दिप्ती शर्माने प्रत्येकी 2-2 विकेट घेतल्या आहेत.तर क्रांती गौड आणि स्नेहा राणाने प्रत्येकी 1-1 विकेट घेतल्या आहेत. आता टीम इंडियासमोर 413 धावांचे आव्हान आहे. हा सामना जिंकून टीम इंडिया मालिका खिशात घालते की ऑस्ट्रेलिया जिंकते हे पाहणे महत्वाचे ठरणार आहे.