ध्रुव जुरेलनं ऑस्ट्रेलियन गोलंदाजांची पिसं काढली, वादळी शतक; टीम इंडियात रिषभ पंतच स्थान धोक्यात?

ऑस्ट्रेलिया अ विरूद्ध सुरू असलेल्या अधिकृत टेस्ट सामन्यात टीम इंडियाच्या ध्रुव जुरेल वादळी शतक ठोकलं आहे. तिसऱ्या दिवसाचा खेळ संपला आहे आणि जुरेल 113 धावांवर नाबाद आहे.

ध्रुव जुरेलने आज 132 बॉलमध्ये 113 धावांची नाबाद शतकीय खेळी केली आहे. या खेळी दरम्यान त्याने 4 षटकार आणि 10 चौकार लगावले आहेत.

ध्रुव जुरेलच्या या खेळीमुळे टीम इंडिया 400 धावांचा टप्पा ओलांडू शकली आहे. तसेच टीम इंडिया अजूनही ऑस्ट्रेलियाच्या 129 धावा दूर आहे.

ध्रुव जुरेल हा तोच खेळाडू आहे ज्याने इंग्लंड विरूद्ध मालिकेत रिषभ पंतच्या जागी विकेटकिपिंग केली होती.या दरम्यान ही त्याने संघासाठी चांगलं योगदान दिलं होतं.

दरम्यान ऑस्ट्रेलिया अ विरूद्धची ध्रुव जुरेलची ही कामगिरी पाहता रिषभ पंतच स्थान धोक्यात येण्याची चिन्हे आहेत.

जुरेल व्यतिरीक्त भारत अ कडून एन जगदिशनने 64, साई सुदर्शनने 73, देवदत्त पड्डीकलने 86 धावांची अर्धशतकीय खेळी केली होती.या धावांच्या बळावर टीम इंडियाने 4 विकेट गमावून 403 धावांपर्यंत मजल मारली आहे.

तर ऑस्ट्रेलिया अ कडून सॅम कोन्स्टासच्या 109 आणि पिलिप्सच्या 123 नाबाद शतकी खेळीच्या बळावर ऑस्ट्रेलियाने 6 विकेट गमावून 532 धावांवर आपला डाव घोषित केला होता.