Team India : गिल-जयस्वाल दोघांचा पत्ता कट... 19 वर्षांचा मुंबईकर घेणार रोहित शर्माची जागा!

वनडे सीरिजसाठी टेस्ट सीरिज खेळलेल्या 7 खेळाडूंना डच्चू देण्यात आला आहे. तर विराट कोहली आणि रोहित शर्माचं टीम इंडियात कमबॅक झालं आहे. शुभमन गिलला दुखापत झाल्यामुळे तो वनडे सीरिजमधून बाहेर आहे. गिलच्या गैरहजेरीत केएल राहुलला कॅप्टन्सी देण्यात आली आहे.

टी-20 सीरिजसाठी भारतीय टीमची अजून घोषणा करण्यात आलेली नाही. गिल टी-20 सीरिजसाठी फिट होणार का? याबाबतचा सस्पेन्स कायम आहे. गिल खेळू शकला नाही, तर त्याच्यासोबत ओपनिंगला कोण खेळणार? याचा निर्णय निवड समितीला घ्यावा लागणार आहे.

गिल वेळेत फिट झाला नाही तर टी-20 सीरिजमध्ये अभिषेक शर्मासोबत यशस्वी जयस्वाल आणि संजू सॅमसन हे दोघं ओपनिंगसाठीचे पर्याय आहेत. संजू सॅमसनला आशिया कपपासून मिडल ऑर्डरमध्ये खेळवलं गेलं, पण या क्रमांकावर अपयशी ठरल्यानंतर संजू टीमबाहेर गेला.

अभिषेक शर्मासोबत ओपनिंगसाठीचा पर्याय म्हणून निवड समिती 19 वर्षांच्या आयुष म्हात्रेचा विचार करू शकते. आयपीएल 2025 मध्ये सीएसकेकडून खेळताना आयुष म्हात्रेने धमाकेदार कामगिरी केली.

सय्यद मुश्ताक अली टी-20 ट्रॉफीमध्ये मुंबईकडून खेळताना आयुष म्हात्रेने खणखणीत शतक झळकावलं आहे. विदर्भाविरुद्धच्या सामन्यात आयुषने 53 बॉलमध्ये 207.55 च्या स्ट्राईक रेटने नाबाद 110 रन केले, ज्यात 8 फोर आणि 8 सिक्सचा समावेश आहे. आयुषच्या शतकामुळे मुंबईने विदर्भावर 7 विकेटने विजय मिळवला.

अभिषेक शर्मा हा डावखुरा ओपनर आहे, तर आयुष म्हात्रे उजव्या हाताने बॅटिंग करतो. लेफ्टी-राईटी बॅटिंग कॉम्बिनेशनसमोर विरोधी टीमच्या बॉलरना लाईन ऍन्ड लेन्थ बदलावी लागते, त्यामुळे अभिषेक आणि आयुष म्हात्रेचा टी-20 साठी विचार होऊ शकतो.