IPL 2026 : तेजस्वीनंतर आणखी एका नेत्याच्या मुलाची IPL मध्ये एन्ट्री, आई-वडील दोघंही खासदार!

तेजस्वी यादव यांच्यानंतर आता आणखी एका राजकीय नेत्याचा मुलगा आयपीएलमध्ये खेळताना दिसणार आहे. आयपीएल 2026 च्या लिलावामध्ये साथर्क रंजन याला केकेआरने 30 लाख रुपयांच्या बेस प्राईजवर विकत घेतलं.

29 वर्षीय सार्थक रंजन हा एक ऑलराऊंडर खेळाडू आहे. तो उजव्या हाताने बॅटिंग करतो आणि ऑफ-स्पिन देखील टाकू शकतो.

अलीकडेच, तो दिल्ली प्रीमियर लीगमध्ये उत्तर दिल्लीकडून खेळला, त्याने 9 सामन्यांमध्ये 449 रन केल्या. त्याचा स्ट्राइक रेट 146.73 होता, ज्यामध्ये 21 सिक्स आणि 44 फोरचा समावेश होता.

साथर्क रंजनने 2017 च्या विजय हजारे ट्रॉफीमध्ये गौतम गंभीरसोबत इनिंगची सुरुवात केली होती. त्या सामन्यात सार्थकने 37 रन केल्या होत्या. डिसेंबर 2024 मध्ये त्याने स्पर्धेत शानदार पुनरागमन देखील केले.

सार्थक फिटनेसला त्याच्या कारकिर्दीचा महत्त्वाचा भाग मानतो. तो नियमितपणे जिम आणि प्रशिक्षण सत्रांमध्ये वेळ घालवतो, ज्यामुळे त्याची चपळता आणि मैदानावरील ऊर्जा टिकून राहते.

सार्थक रंजन हा बिहारच्या पूर्णियाचे खासदार पप्पू यादव यांचा मुलगा आहे. राजकारणात प्रवेश करण्यापूर्वी, तेजस्वी यादव एक क्रिकेटपटू होते. ते दिल्लीच्या अंडर-15, अंडर-17 आणि अंडर-19 टीमसाठी क्रिकेट खेळले.

तेजस्वी यादव 2008 ते 2012 पर्यंत दिल्ली डेअरडेव्हिल्स (आता दिल्ली कॅपिटल्स) टीमचा भाग होते. पण त्यांना कधीही प्लेइंग इलेव्हनमध्ये खेळण्याची संधी मिळाली नाही.