Sanju Samson : 4 मॅचनंतर चूक लक्षात आली पण आता गेम ओव्हर? ईशानच्या सेंच्युरीने बदलणार बॅटिंग लाईनअप! व्हाईस कॅप्टनचं काय होणार?

आगामी टी-ट्वेंटी वर्ल्ड कपपूर्वी टीम इंडियाचं टेन्शन एका गोष्टीमुळं वाढलंय. ते म्हणजे टीम इंडियाचा सलामीवीर फलंदाज संजू सॅमसन.. संजूचा आता गेम ओव्हर होणार का? अशा सवाल विचारला जाऊ लागला आहे.

न्यूझीलंडविरुद्धच्या पाच सामन्यांच्या टी-ट्वेंटी मालिकेत संजू सॅमसन फक्त 46 धावा करू शकलाय. संजूची सर्वात मोठी कमजोरी म्हणजे त्याची सातत्य... त्याला ते टिकवता येत नाहीये.

तर दुसरीकडे विकेटकीपर फलंदाज ईशान किशन याने 4 सामन्यांमध्ये इशान किशनने एका शतक आणि एका अर्धशतकासह 215 धावा केल्या आहेत. पाचव्या मॅचमध्ये शतक त्याने ठोकलंय.

जर संजू सॅमसन फॉर्ममध्ये परतला नाही, तर त्याला काढून टाकले जाऊ शकते आणि इशान किशनला प्लेइंग इलेव्हनमध्ये बसवले जाऊ शकते. त्यामुळे टीम इंडियाची ओपनिंग पेअर बदलू शकते.

पहिल्या चार मॅचमध्ये संजू अभिषेकला नॉन स्ट्राईकला आणून पहिली स्ट्राईक घेत होता. पाचव्या मॅचमध्ये ती चूक संजूने सुधारली. त्याने अभिषेकला पहिली स्ट्राईक दिली अन् स्वत:वरचं प्रेशर कमी केलं.

तर दुसरीकडे टीम इंडियाचा व्हाईस कॅप्टन गेम चेंजर ठरतोय. हा व्हाईस कॅप्टन दुसरा तिसरा कुणी नसून अक्षर पटेल आहे. अक्षर पटेलने अखेरच्या संधीचं सोनं केलं अन् तीन महत्त्वाच्या विकेट घेतल्या.

दरम्यान, ज्यावेळी टीम इंडियाला विकेटची गरज होती, तेव्हाच अक्षर पटेलची फिरकी चालली अन् विकेट्स मिळाल्या. त्यामुळे आता वॉशिंग्टन सुंदरचं कमबॅकनंतर काय होणार? असा सवाल विचारला जाऊ लागला आहे.