T20 World Cup : भारत-पाकिस्तानशिवायच होणार वर्ल्ड कप सेमी फायनल... नॉक आऊटला कोणत्या 4 टीम जाणार?

रविवारी सुपर-8 च्या पहिल्या सामन्यात टीम इंडियाचा दक्षिण आफ्रिकेविरुद्ध 76 रननी पराभव झाला होता, त्यामुळे भारतीय टीमचा नेट रनरेट हा मायनस 3.800 एवढा झाला आहे.

भारताच्या ग्रुपमधल्या वेस्ट इंडिजने झिम्बाब्वेवर 107 रननी विजय मिळवला, यामुळेही टीम इंडियाच्या संकटात भर पडली आहे. इतक्या मोठ्या विजयामुळे वेस्ट इंडिजचा नेट रनरेट हा +5.350 इतक अवाढव्य झाला आहे.

दक्षिण आफ्रिका आणि वेस्ट इंडिजच्या या बलाढ्य नेट रनरेटला मागे टाकणं टीम इंडियासाठी सध्या खूपच कठीण वाटत आहे, त्यामुळे भारतीय टीमला आता दक्षिण आफ्रिकेवर अवलंबून राहावं लागणार आहे.

भारताला सुपर-8 मधल्या त्यांच्या झिम्बाब्वे आणि वेस्ट इंडिजविरुद्धच्या दोन्ही मॅच जिंकाव्या लागणार आहेत. याचसोबत दक्षिण आफ्रिकेचाही वेस्ट इंडिज आणि झिम्बाब्वेविरुद्ध विजय व्हावा, यासाठी टीम इंडियाला प्रार्थना करावी लागणार आहे.

भारताने उरलेले दोन्ही सामने जिंकले आणि वेस्ट इंडिजने दक्षिण आफ्रिकेचा पराभव केला तर तिन्ही टीमचे 4-4 पॉईंट्स होतील, त्यामुळे नेट रनरेट चांगला असलेल्या दोन्ही टीम सेमी फायनलला पोहोचील, जे टीम इंडियासाठी अडचणीचं असेल.

दुसरीकडे पाकिस्तानची अवस्थाही भारतासारखीच आहे. पाकिस्तानचा न्यूझीलंडविरुद्धचा पहिला सामना पावसामुळे रद्द झाला, त्यामुळे दोन्ही टीमना 1-1 पॉईंट देण्यात आला. यानंतर पाकिस्तानचा इंग्लंडविरुद्ध 2 विकेटनी पराभव झाला आहे. यानंतर इंग्लंड ही सेमी फायनलला पोहोचणारी पहिली टीम ठरली आहे.

इंग्लंडविरुद्धच्या पराभवानंतर पाकिस्तानलाही सेमी फायनलला पोहोचण्यासाठी इतर टीमवर अवलंबून राहावं लागणार आहे. पाकिस्तानला आता त्यांच्या शेवटच्या सामन्यात श्रीलंकेविरुद्ध जिंकावच लागेल, पण पराभव झाला तर त्यांचं आव्हान संपुष्टात येईल.

पाकिस्तानचं सेमी फायनलला पोहोचणं आता न्यूझीलंडच्या हातात आहे. न्यूझीलंडचे उरलेले दोन सामने श्रीलंका आणि इंग्लंडविरुद्ध आहेत. न्यूझीलंडने हे दोन्ही सामने गमावले आणि पाकिस्तानने श्रीलंकेवर विजय मिळवला, तर न्यूझीलंडचे 1 पॉईंट आणि पाकिस्तानचे 3 पॉईंट होतील, या परिस्थितीमध्ये पाकिस्तान सेमी फायनलला जाईल.

पाकिस्तानने श्रीलंकेविरुद्धचा सामना जिंकला आणि न्यूझीलंडने त्यांच्या 2 पैकी एक सामना गमावला तर पाकिस्तान आणि न्यूझीलंडचे समसमान म्हणजेच 3-3 पॉईंट होतील, त्यामुळे पाकिस्तान-न्यूझीलंड यांच्यात ज्यांचा नेट रनरेट चांगला असेल तरी टीम सेमी फायनलला क्वालिफाय होईल.