Asia Cup : 'रायजिंग स्टार'चा पाकिस्तानसमोर फुसका बार, वैभव-आयुष आशिया कप फायनलमध्ये तोंडावर आपटले!

वैभव सूर्यवंशी आणि आयुष म्हात्रे या दोन्ही खेळाडूंकडे टीम इंडियाचे पुढचे स्टार म्हणून पाहिलं जात आहे, पण पुन्हा एकदा दोघेही अपयशी ठरले आहेत.

पाकिस्तानने दिलेल्या 348 रनच्या आव्हानाचा पाठलाग करताना बॅटिंगला आलेला कर्णधार आयुष म्हात्रे 7 बॉलमध्ये 2 रनवर आऊट झाला, तर वैभव सूर्यवंशी 10 बॉलमध्ये 26 रन करून माघारी परतला.

अंडर-19 आशिया कप स्पर्धेत आयुष म्हात्रेला 5 इनिंगमध्ये फक्त 65 रन करता आले. अंडर-19 आशिया कपच्या 5 सामन्यांमध्ये आयुष म्हात्रेने 4, 38, 14, 7 आणि 2 रन केले. तर दुसरीकडे वैभव सूर्यवंशीने स्पर्धेची सुरूवात धमाक्यात केली, पण त्याला मोक्याच्या क्षणी मोठा स्कोअर करता आला नाही.

युएईविरुद्ध वैभवने 95 बॉलमध्ये 171 रनची वादळी खेळी केली, त्यानंतर मलेशियाविरुद्ध वैभवने 19 बॉलमध्ये 50 रन केले. पाकिस्तानविरुद्धच्या ग्रुप स्टेजच्या सामन्यात वैभव 5 रनवर आऊट झाला आणि आता फायनलमध्ये वैभवला 26 रन करता आले.

या सामन्यात टीम इंडियाचा कर्णधार आयुष म्हात्रेने टॉस जिंकून पहिले बॉलिंगचा निर्णय घेतला, यानंतर पाकिस्तानने 50 ओव्हरमध्ये 347/8 पर्यंत मजल मारली. समीर मिन्हासने 113 बॉलमध्ये 172 रनची खेळी केली. तर अहमद हुसेनने 56 रन केले.

या सामन्यात टीम इंडियाचा कर्णधार आयुष म्हात्रेने टॉस जिंकून पहिले बॉलिंगचा निर्णय घेतला, यानंतर पाकिस्तानने 50 ओव्हरमध्ये 347/8 पर्यंत मजल मारली. समीर मिन्हासने 113 बॉलमध्ये 172 रनची खेळी केली. तर अहमद हुसेनने 56 रन केले.

भारताकडून दीपेश देवेंद्रनने सर्वाधिक 3 विकेट घेतल्या तर हेनिल पटेल आणि खिलान पटेलला 2-2 विकेट मिळाल्या. याशिवाय कनिष्क चौहानलाही 1 विकेट घेण्यात यश आलं.