Train Accident : खाली ट्रेन, वर क्रेन! 22 प्रवाशांचा भयानक मृत्यू; रेल्वे अपघाताचे थरकाप उडवणारे PHOTO

एक मोठा रेल्वे अपघात झाला आहे. क्रेन ट्रेनवर कोसळली आहे. यामुळे ट्रेन रूळांवरून घसरली. ज्यामध्ये किमान 22 जणांचा मृत्यू झाला आणि 30 हून अधिक जण जखमी झाले.

थायलंडमध्ये घडलेली ही धक्कादायक घटना. बुधवारी सकाळी राजधानी बँकॉकपासून सुमारे 230 किलोमीटर ईशान्येला असलेल्या सिखिओ जिल्ह्यात हा अपघात झाला.

नाखोन रत्चासिमा प्रांतीय पोलीस प्रमुख थाचापोन चिन्नावोंग यांनी एएफपीला सांगितलं की, या अपघातात 22 जणांचा मृत्यू झाला आणि अनेक जण जखमी झाले.

प्रवासी ट्रेन बँकॉकहून उबोन रत्चाथानी प्रांताकडे जात होती. चालत्या ट्रेनवर एलिव्हेटेड हाय-स्पीड रेल्वे बांधण्यासाठी वापरण्यात येणारी क्रेन पडली, ज्यामुळे ट्रेन रुळावरून घसरली आणि तिला आग लागली.

नाखोन रत्चासिमा जनसंपर्क विभागाच्या म्हणण्यानुसार, आग आटोक्यात आणण्यात आली आहे आणि बचाव कर्मचारी आत अडकलेल्यांचा शोध घेत आहेत.