Toothbrush : टूथब्रशचे ब्रिसल्स दोन कलरचे का असतात? फक्त डिझाइन नाही तर हे तुमच्या कामाचं

सकाळी उठलो की सगळ्यात आधी आपण काय करतो तर दात घासतो आणि रात्री झोपतानाही कित्येक जण दात घासतात. म्हणजे सकाळी उठल्यानंतर आणि रात्री झोपण्याआधी आपण दात घासतो. ते कशाने तर टुथब्रशने. असा हा आपला रोजच्या वापरातील टुथब्रश पण त्याच्याबाबत एक अशी गोष्ट जी कदाचित तुम्हाला माहिती नाही.

आजकाल बाजारात वेगवेगळ्या प्रकारचे टुथब्रश आहेत. टुथब्रशचे ब्रिसल्स एकाच रंगाचे किंवा वेगवेगळ्या रंगाचे असतात. पण बहुतेक टुथब्रशचे ब्रिसल्स दोन रंगाचे असतात. दोन रंगांचे ब्रिसल्स असलेले टूथब्रश जवळजवळ प्रत्येक घरात आढळतात. पण टुथब्रशच्या ब्रिसल्समध्ये हे दोन रंग का असतात? माहिती आहे का?

सोशल मीडियावरील माहितीनुसार टुथब्रशचा इतिहास खूप जुना आहे. बॅबिलोनियन आणि इजिप्शियन लोक इ.स.पूर्व 3500-3000 मध्ये टूथब्रश वापरत होते असं म्हटलं जातं. त्यावेळी ते लाकडाच्या तुकड्याचा पुढील भाग चावून मऊ करत आणि ते दात स्वच्छ करण्यासाठी वापरत.

असं म्हटलं जातं की आधुनिक टूथब्रश पहिल्यांदा 1780 मध्ये करण्यात आला. त्याचा शोध इंग्रजी उद्योजक विल्यम एडिसने लावला होता. रिपोर्टनुसार तुरुंगवासाची शिक्षा भोगत असताना विल्यमने प्राण्यांचे केस हाडावर चिकटवून टूथब्रश तयार केलं. सुटकेनंतर त्याने टूथब्रशचे उत्पादन आणि विक्री सुरू केली आणि एक कंपनी सुरू केली. नंतर अमेरिकन पेटंट मिळालं आणि 1844 मध्ये आधुनिक टूथब्रशचा शोध लागला.

टूथब्रशच्या ब्रिसल्सवरील हे रंग ब्रशवर टुथपेस्ट किती लावावं यासाठी असतो. संपूर्ण ब्रिसल्सवर टूथपेस्ट लावायचं हा चुकीचा समज आहे. ब्रिसल्स भरून टुथपेस्ट लावायचं नसतं.