पुणे महापालिकेने 2019 मध्ये गणेशोत्सवाचा मंडप, स्वागत कमानी, रनिंग मंडप यांना परवानगी दिलेली आहे. ही परवानगी पाच वर्षांच्या कालावधीसाठी ग्राहा धरली जाणार आहे. त्यामुळे परवानाधारकांना नव्याने परवानगी घेण्याची आवश्यकता राहणार नाही. ज्या गणेशमंडळांना परवानगी घ्यायची आहे. त्याच्यासाठी संबंधित पोलिस स्टेशनमध्ये पुणे महापालिका आणि पोलिस यांच्या संयुक्त उपक्रमातून विनशुल्क एक खिडकी योजना राबविण्यात येणार आहे.
advertisement
200 कारागीर, 111 फूट उंच गाभारा, यंदाचा दगडूशेठ हलवाई गणपतीचा देखावा असणार खास, VIDEO
पुणे महापालिकेची नियमावली
गणेश मंडळांनी 2019 ची कार्यपद्धतीचा अवलंब करून परवानगी घ्यावी लागणार आहे. त्यासाठी कोणतेही परवाना शुल्क आकारले जाणार नाही. 2019 मध्ये परवानगी घेतली आहे, पण जागा बदलली असेल, तर 2019 च्या कार्यपद्धतीनुसार अशा गणेश मंडळांना नव्याने परवानगी घ्यावी लागणार आहे.
उत्सव मंडपाची उंची 40 फुटांपेक्षा जास्त नसावी. 40 फुटांपेक्षा जास्त उंचीचा मंडप उभारणार असल्यास सुरक्षिततेसाठी अधिकृत स्थापत्य अभियंत्याकडून स्टेबॅलिटी सर्टिफिकेट जोडावे लागेल. मंडप व स्वागत कमानी उभारताना आपत्कालीन गाड्या जाण्यासाठी लगतचे रस्ते मोकळे ठेवावेत. पर्यावरण रक्षणासाठी शाडू मातीच्याच मूर्ती वापराव्यात.
गणेशोत्सवात ढोल-ताशांचा आवाज घुमतो, पण तुम्हाला माहितीये का कुठं स्वस्तात मिळतो?
राज्य सरकारच्या पर्यावरण विभागाने प्रदूषण नियंत्रणासाठी केलेल्या कायद्याची आणि मार्गदर्शक सूचनांची अंमलबजावणी करावी लागेल. गणेशोत्सव संपल्यानंतर तीन दिवसांच्या आत मंडप, रनिंग कमानी, देखावे, बांधकाम हटवावे. रस्त्यांवरील खड्डे स्वखर्चाने सिमेंट काँक्रिटच्या साह्याने बुजवावेत. ध्वनी प्रदूषणाबाबत शासकीय नियमांचे पालन करावे. गणेशोत्सव मंडळाने घेतलेल्या सर्व परवानग्या मंडप किंवा कमानींच्या दर्शनी भागात प्लॅस्टिक कोटिंगमध्ये लावाव्यात, अशी नियमावली महापालिकेच्या वतीने जाहीर करण्यात आली आहे.
दरम्यान, यंदा गणेशोत्सवात शाडूच्या गणेश मूर्ती वापराव्या. तसेच राज्य सरकारच्या पर्यावरण विभागाने दिलेल्या प्रदूषण नियंत्रक विषयक कायद्याची अंमलबजावणी करावी, असे आवाहन पुणे महापालिकेचे आयुक्त डॉ. राजेंद्र भोसले, अतिक्रमण विभागाचे प्रमुख सोमनाथ बनकर यांनी केले आहे.