9 ते 14 वयोगटातील मुलींना मोफत एचपीव्ही लस
ग्रामीण भागातील महिलांच्या आरोग्याचा विचार करून पुणे जिल्हा परिषदेने सर्व्हायकलमुक्त पुणे हा सर्वसमावेशक आरोग्य उपक्रम हाती घेतला आहे. या उपक्रमासाठी जिल्हा परिषदेने जीविका फाउंडेशन सोबत सामंजस्य करार केला असून, या करारावर जिल्हा परिषदेचे मुख्य कार्यकारी अधिकारी गजानन पाटील आणि जीविका फाउंडेशनचे संचालक जिग्नेश पटेल यांनी स्वाक्षऱ्या केल्या.
advertisement
Mumbai Air Pollution: मुंबईची हवा बिघडली! ऐन दिवाळीत आरोग्य संकट, सर्वाधिक धोका कुठं?
या उपक्रमांतर्गत 9 ते 14 वयोगटातील सर्व मुलींना गर्भाशयाच्या मुखाच्या कर्करोगावरील प्रतिबंधासाठी एचपीव्ही लस विनामूल्य दिली जाणार आहे. तसेच सर्व अविवाहित महिलांची तोंड, स्तन आणि गर्भाशयाच्या मुखाच्या कर्करोगाची तपासणी केली जाणार आहे. या उपक्रमामुळे आजाराचे लवकर निदान होऊन वेळेत उपचार करणे शक्य होईल, असे मुख्य कार्यकारी अधिकारी गजानन पाटील यांनी सांगितले.
दिवाळीनंतर विशेष मोहीम
दिवाळीनंतर जिल्ह्यात ‘सर्व्हायकलमुक्त पुणे’ या आरोग्य उपक्रमाला प्रत्यक्ष सुरुवात होणार आहे. या उपक्रमांतर्गत 9 ते 14 वर्षे वयोगटातील मुलींना गर्भाशयाच्या मुखाच्या कर्करोगावरील प्रतिबंधासाठी एचपीव्ही लस दिली जाणार आहे. ही लस पूर्णतः ऐच्छिक असणार असून, लसीकरणापूर्वी पालकांची संमती घेतली जाणार आहे.
जिल्ह्यातील सर्व पात्र मुलींना मार्च 2026 पर्यंत लसीकरण पूर्ण करण्याचे उद्दिष्ट ठेवण्यात आले आहे. सध्या जिल्हा परिषदेच्या शाळांमध्ये साधारण 35 हजार मुली या वयोगटात आहेत. या सर्व मुलींना लसीचे दोन डोस देण्यात येणार आहेत. या लसीचे कोणतेही दुष्परिणाम होत नसल्याचे वैज्ञानिकदृष्ट्या सिद्ध झाले असून, हा उपक्रम मुलींच्या आरोग्य सुरक्षेसाठी एक प्रभावी पाऊल ठरणार असल्याचा विश्वास जिल्हा परिषदेचे मुख्य कार्यकारी अधिकारी गजानन पाटील यांनी व्यक्त केला.